ಪಾಠ 13

ಸ್ಪಷ್ಟವಾದ ವೈಯಕ್ತಿಕ ಅನ್ವಯ

ಜ್ಞಾನೋಕ್ತಿ 3:21

ಏನು ಮಾಡಬೇಕು: ನೀವು ಹೇಳುತ್ತಿರುವ ವಿಷಯ ಕೇಳುಗರ ಜೀವನದ ಮೇಲೆ ಹೇಗೆ ಪ್ರಭಾವ ಬೀರುತ್ತದೆ ಎಂದು ಅರ್ಥಮಾಡಿಸಿ. ಕಲಿತ ವಿಷಯವನ್ನು ಹೇಗೆ ಅನ್ವಯಿಸಿಕೊಳ್ಳಬೇಕೆಂದು ತಿಳಿಸಿ.

ಹೇಗೆ ಮಾಡಬೇಕು:

ನಿಮ್ಮ ಕೇಳುಗರ ಬಗ್ಗೆ ಯೋಚಿಸಿ. ನೀವು ಹೇಳುವ ವಿಷಯವನ್ನು ಜನರು ಯಾಕೆ ಕೇಳಿಸಿಕೊಳ್ಳಬೇಕು ಎಂದು ಯೋಚಿಸಿ. ಮುಖ್ಯವಾಗಿ ಯಾವ ಅಂಶಗಳಿಂದ ಅವರಿಗೆ ಪ್ರಯೋಜನವಾಗುತ್ತದೆ ಎಂದು ಯೋಚಿಸಿ.
ನಿಮ್ಮ ಭಾಗ ಮುಗಿಯುವ ವರೆಗೂ ಕೇಳುಗರು ಏನು ಮಾಡಬೇಕೆಂದು ತೋರಿಸಿ. ಭಾಗದ ಆರಂಭದಿಂದಲೇ, ‘ಈ ವಿಷಯ ನನಗೇ ಹೇಳಿದಂತಿದೆ’ ಎಂದು ಕೇಳುಗರಿಗೆ ಅನಿಸಬೇಕು. ಪ್ರತಿ ಮುಖ್ಯಾಂಶವನ್ನು ತಿಳಿಸುವಾಗ ಅದನ್ನು ಹೇಗೆ ಅನ್ವಯಿಸಿಕೊಳ್ಳಬೇಕೆಂದು ಸಹ ಹೇಳಿ. ಮೇಲುಮೇಲಿಗೆ ವಿಷಯವನ್ನು ಹೇಳಿಕೊಂಡು ಹೋಗಬೇಡಿ.

ಬೈಬಲ್‌ ತತ್ವಗಳನ್ನು ಹೇಗೆ ಅನ್ವಯಿಸಿಕೊಳ್ಳಬೇಕೆಂದು ಪ್ರೀತಿಯಿಂದ, ಕಾಳಜಿಯಿಂದ ಹೇಳಿರಿ. ದೋಷಿಭಾವನೆಯನ್ನು ಮೂಡಿಸುವ ಬದಲು ಕೇಳುಗರಲ್ಲಿರುವ ಪ್ರೀತಿ ಮತ್ತು ನಂಬಿಕೆಯನ್ನು ಬಲಪಡಿಸಿ. ಸರಿಯಾದದ್ದನ್ನು ಮಾಡಲು ಬೇಕಾದ ಹೆಜ್ಜೆಗಳನ್ನು ಅವರು ತೆಗೆದುಕೊಳ್ಳುತ್ತಾರೆ ಎಂದು ನಂಬಿ.

ಸೇವೆಯಲ್ಲಿ

ಸೇವೆಗೆಂದು ತಯಾರಿ ಮಾಡುವಾಗ ವಾರ್ತೆಗಳಲ್ಲಿ ಏನಿದೆ, ನಿಮ್ಮ ಕ್ಷೇತ್ರದಲ್ಲಿರುವ ಜನರಿಗೆ ಯಾವ ಸುದ್ದಿ ಇಷ್ಟ ಆಗಬಹುದು ಎಂದು ಯೋಚಿಸಿ. ಜನರಿಗೆ ಯಾವುದರಲ್ಲಿ ಆಸಕ್ತಿ ಇದೆಯೋ ಅದಕ್ಕನುಸಾರ ಮಾತಾಡಿ. ಅವರ ಮನಸ್ಸಲ್ಲಿ ಏನಿದೆ ಎಂದು ತಿಳುಕೊಳ್ಳಲು ಜಾಣ್ಮೆಯಿಂದ ಪ್ರಶ್ನೆಗಳನ್ನು ಕೇಳಿ. ಅವರ ಉತ್ತರಕ್ಕೆ ಕಿವಿಗೊಟ್ಟ ಮೇಲೆ ಅದಕ್ಕೆ ತಕ್ಕ ಹಾಗೆ ಮಾತು ಮುಂದುವರಿಸಿ.