STƆDI ATIKUL DƐN

Dis atikul go sho plɛnti rizin dɛn we mek bɔku pipul dɛn biliv se na Jiova Witnɛs dɛn de tich di tru tin dɛn we de na di Baybul. Ɛn wi go si bɔku rizin dɛn we mek Jiova Witnɛs dɛnsɛf biliv se dɛn de na di tru rilijɔn.

Bikɔs wi de na Setan in wɔl, wi ɔl gɛt fɔ sɔfa. Sɔm prɔblɛm dɛn kin mit wi fes-to-fes, bɔt ɔda wan dɛn kin kam to wi kɔni kɔni we. Dis atikul go ɛp wi fɔ no dɛn trap ya we Setan de yuz ɛn rɛdi wisɛf fɔ ɛnikayn tin we i go briŋ kam to wi.

Mama ɛn papa dɛn “fɔ kɔrɛkt” dɛn pikin dɛn ɛn “tich dɛn di we aw Jiova want.” (Ɛfi. 6:4) Dis atikul tɔk bɔt tri we dɛn we mama ɛn papa dɛn go du dis. Ɛn wi go si bak aw mama ɛn papa dɛn go mɛn dɛn pikin dɛn di we aw Jiova want.

Wetin briŋ day kam pan mɔtalman? Aw “di las ɛnimi we na day, nɔ go de igen”? (1 Kɔr. 15:26) Di ansa to dɛn kwɛstyɔn ya go sho wi se Jiova de du tin di rayt we, i gɛt sɛns, ɛn i lɛk wi pasmak.

I dɔn te we Jiova gɛt fetful savant dɛn we dɔn yuz ɔl dɛn tɛm fɔ sav am pan ɔl we i nɔ kin izi fɔ dɛn. Wetin wi go du fɔ sho se wi de ‘mɛmba di gud wok we dɛn de du’ ɛn di we aw dɛn de “wok tranga wan” fɔ kɛr di gud nyus go bifo?—1 Tɛs. 1:3.