Tɔk di We we Pipul dɛn Go Ɔndastand

Fɔs Lɛta Fɔ Kɔrint 14:​9

WETIN FƆ DU: Ɛp di wan dɛn we de lisin to yu fɔ ɔndastand di mɛsej.

AW FƆ DU AM:

• Stɔdi yu matirial gud gud wan. Ɔndastand di tɔpik gud gud wan so dat yu go ɛksplen am to di pipul dɛn simpul wan, ɛn yu go tɔk am yu yon we.

• Yuz shɔt sɛntɛns dɛn ɛn simpul wɔd dɛn. Pan ɔl we i nɔ bad fɔ yuz lɔng sɛntɛns dɛn, i go fayn fɔ yuz shɔt sɛntɛns dɛn fɔ mek di men pɔynt klia.

• Ɛksplen wɔd dɛn we at fɔ ɔndastand. If i pɔsibul, nɔ yuz wɔd dɛn we pipul dɛn nɔ de ɔndastand. Bɔt if nid de fɔ yuz wɔd dɛn we at fɔ ɔndastand, Baybul nem dɛn we at fɔ kɔl, ɔ fɔstɛm mɛzhɔmɛnt ɔ kɔstɔm, yu nid fɔ ɛksplen am.