Sam
O wana sim lachi le chondei yo lo. Chondii Deeve poonyiaa ve, mɛɛ Netaŋ wana suaa le Mɛlɛka wo kuel ndu teleŋ o suunda a Ba-siɛɛba wo.+
51 Oo Mɛlɛka, tuiinuŋ ya inyiɛɛ a mɛɛ kaala lo lechoo numndo cho yɛ.+
A yandii, wɔɔsuu hakila nilaŋ a mɛɛ nyiɛɛyii num ii bɛnduei cho yɛ.+
3 Kanifuule I sina a biondɔŋnda nilaŋ okɔɔ nyɛkɛndɛi,
4 I tosa hakioo a num, num cho nyɔɔŋ kpou choo wo.*+
I tosa nyɛ bɛnda num o hɔl te wo.+
Le hei te a soo pɛ, nyɛ cho sakpo wo ŋ dimi ni.
Nduyɛ a tosa biondɔŋ o yamaŋ ŋ kialu woŋ niŋ te.+
5 Tofawɔ! O hakioo niŋ ya veluŋ ni.
Nduyɛ kala nuu bɛɛ, o hakioo niŋ o wa ni mbo chua foli* nuu.*+
6 O kpeekpei niŋ, ma naŋ kɔl le tonya cho waŋndo o kɔllo niŋndo.+
Pɛɛku ya le mi sɔla taasi kpeekpeiyo.
7 Wɔɔsuu haki nuu a yɔm hisɔpi wo, le halikpeŋ mi dendu fo.+
Pulu ya mi dendu fo fo, mbo hiou feŋgbɔɔ.+
8 Tosa mi tuei bɔɔluu nyaaloo,
Le halikpeŋ mi paala ŋ pesi laŋ la dɔɔnuŋ nyaale.+
10 Oo Mɛlɛka, ke ya kɔl cho o diandaa walaŋ ndo.+
A yandii, tosa mi nɔ yeemɛi le nyɛ cho o kɛndɔɔ wo tosaa+ teleŋ o teleŋ.
11 Tosa mi faŋaŋ num o hɔl te,
Nduyɛ faŋa ya nyina num diandaa choo le.
12 Teleŋ ŋ piŋi ya mi wa a nyaale wo, miŋgi ya nyaale koŋ ke.+
Tosa mi nɔ yeemɛi le num diikɔŋndo.
13 I cho wanaa tɛɛmbuu sawaa wa nɛila numndaŋ pɛɛku,+
Le halikpeŋ mi wanaa dɛnɛ wɔɔŋnda miiŋgu num o ibuŋ.
14 Oo Mɛlɛka, num cho wana piŋi ya wo ni.+ Mal la haki le wana ya dii yo,+
Le halikpeŋ mi diɔɔmule nileŋ le soo a sakpoyɛi numnde okɔɔ a kɔl kɛndɛ bɛndoo.+
15 Oo Chɛhowa, kumbi chɔchɔŋ nuŋ,
Le halikpeŋ mi saŋgala num a sondo.+
16 Kanifuule a heu ba a sala le. Te ndoo wa lende pɛ, I wa num salaa solul.+
O cho salala luamaala kpulukuu laŋ te la nɛŋi num kɔllo le.+
17 Te waŋndo tambu pɛ kɔl le haki o tosa wo, salala waa lende la nɛŋi num kɔllo ni.
Oo Mɛlɛka, wana cho hoo a kɔl tambɛiyo nduyɛ mbo wa mɔnɛi biyɔɔ wo, a kɛɛ ndu le.+
18 Tosa nyɛ cho o kɛndɔɔ wo le Saayɔŋ.
A yandii, miŋgi kpakilaŋ Chulusalɛm taŋgul.
19 Okoŋ, a cho kɔl naŋɔɔ le salala wanaa cho sakpo wa soli o numndo laŋ,
Salala luamaa laŋ a salala nda soli kpou laŋ.
Nduyɛ, ma soli nauwaa towaa salaa o bandu luamaa lasala numndo choo.+