Sam
Chondii Deeve soli le Mɛlɛka saŋgalaa ve.
א [Alɛfi]
145 Oo Mɛlɛka nuu, num cho Masaa ni. I cho num bɛɛleŋ ke.+
I cho diola numndaŋ saŋgala le fɛɛŋ a fɛɛŋ.+
ב [Bɛti]
2 Lepaa o lepaa, I cho wa num saŋgalaa.+
I cho diola numndaŋ saŋgala le fɛɛŋ a fɛɛŋ.+
ג [Kimɛɛ]
3 Chɛhowa cho o bɛndu, nduyɛ o nɔ di mbo sɔla saŋgalaa.+
Wana nɔla ma sina mɛɛ kpɛ o cho o bɛndu yɛ le.+
ד [Dalɛti]
4 Waŋnda cho wa suɛi a walta numndaŋ okɔɔ le fɛɛŋ a fɛɛŋ.
A cho isɔɔ a walta bɛndula ŋ tosa laŋ okɔɔ.+
ה [Hee]
5 A cho isɔɔ a tɔɔmayɛi numnde, vɛlɛ a kpaaya numndo okɔɔ.+
Nduyɛ, I cho yiyaŋ o walta numnda kɔndɔfiltaŋ choo.
ו [Wau]
6 Waŋnda cho isɔɔ a sɔɔŋ kɔndɔfiliŋ ŋ tosa woŋ okɔɔ,
Nduyɛ mi dimul waŋnda a mɛɛ ŋ cho Mɛlɛka kpaaya bɛndu yɛ.
ז [Sayiŋ]
7 A cho naŋɔɔ kɔl tau, te a loonuŋ pɛ a sɔɔŋ kɛndɛŋ bɛnduŋ ŋ tosa woŋ okɔɔ,+
Nduyɛ ma deŋi choo choo a nyaaloo le mɛɛ ŋ cho Mɛlɛka sakpo yɛ.+
ח [Hɛti]
8 Chɛhowa nɔ kɛndɛi a nyiɛɛye.+
O doonuŋ tumbe chɔ chɔ le, nduyɛ kaala lo lechoo ndɔɔ cho bɔɔ.+
ט [Tɛti]
9 Chɛhowa cho wana kɛndɛ le wana o wana,+
Nduyɛ walta ndɔlaŋ kpou la chɔm maa o nɔ nyiɛɛye.
י [Yodi]
10 Oo Chɛhowa, walta numndaŋ kpou la cho num bɛɛleŋ ke,+
Nduyɛ wanaa cho num lo lechoo wo chɔmndo wa cho num saŋgala.+
כ [Kafi]
11 A cho waŋnda dimul a bɛɛle masale numndeŋ okɔɔ,+
Ma soo a kpaaya numndo okɔɔ,+
ל [Lamɛdi]
12 Le mi waŋnda sina a walta bɛndula ŋ tosa laŋ okɔɔ,+
Vɛlɛ a tɔɔmayɛi masale numndeŋ.+
מ [Mɛmi]
13 Masale numndeŋ le nɔ lamɛɛlu le.
A cho hiouwɔɔ lachi a waa masa le fɛɛŋ a fɛɛŋ.+
ס [Samɛki]
ע [Ayiŋ]
15 Num wana o wana fee tiindaŋ ni le malaa.
Ma ke nda nyɛdiaa a boondii nda nɔ ma sɔla ndu ve.+
פ [Pe]
צ [Sadi]
ק [Kilofi]
18 Chɛhowa cho kpɛɛluŋ a wanaa veelu ndu le malaa wa.+
O cho kpɛɛluŋ a wanaa veelu ndu o tonyaa choo wa.+
ר [Luɛsi]
19 Mbo ke wanaa nɔ siooŋii nduɛi ya nyɛ nda yeema wo.+
Mbo tuei chaŋ nda wa naa ndu chua le malaa wo, nduyɛ mbo piŋi nda.+
ש [Shiŋ]
20 Chɛhowa cho wanaa kaala ndu wa kpou manda.+
Kɛ wanaa dɛnɛ wɔɔŋnda nda, o cho nda tɛɛmbuu kpou.+
ת [Tau]
21 I cho Chɛhowa saŋgala.+
Maa nyɛ o nyɛ yoomaa saŋgala diola ndɔla diandaa laŋ le fɛɛŋ a fɛɛŋ.+