Biuwɔŋndo

Nyɛ Chiisu Tosa Wo

VIDUEIYO: Mi Chiisu Biunuŋ Pɔmbɔ Ndɔ Malaa

1. Tofa VIDUEIYO, ɔɔ nuawɔ Chɔŋ 7:​3-5 a Kɔliŋtiaŋ Tasoo 15:​3, 4, 7. Okoŋ ma muli nyunalaŋ ndaŋ:

1. Vɛɛ pɔmbɔɔ Chiisu ndoo che yɛ yooŋgu kɛndɛ Chiisu wa dimioo wo o tasela ndɔ?

2. Yɛɛ chɔm yɛ maa Chiisu vi ŋdial kposoŋ le Chemisi pɔmbɔ ndɔ malaa le?

Yɛɛ Naŋ Pɛɛku yɛ Chiisu o Ba?

2. Ŋ nɔ miŋ wa wanaa biuwaŋ, kanifuule o cho waŋnda kpou le keleŋa yooŋgu kɛndɔɔ chɛlɔɔ le.

Tol Tamasi Chiisu Wo Kɔɔli

3. Kindiŋ ma soliŋ nɛi cheleŋ kpeku. Te waŋndo keleŋa chɛlɔɔ le Baabuiyo pɛɛkoo le, baŋ ndu le. Te o bɛnda pɛ, soliŋ vidueilaŋ a buŋgaŋ ŋpum kpeku le ndu chɔmndo mɛɛ naŋ tosa pɛɛku Baabuiyo a waŋnda yɛ, vɛlɛ a tɔnɔ o sɔla niŋndo.

4. Tuu ndu a wana cheleŋ te. Wana o wana choŋnuŋ teŋgeŋ. Lepum mi waŋndo o yuŋgoo niŋ, ɔɔ miiŋgu makɔɔ numndo kɛɛ le Baabuiyo pɛɛkoo, te koŋ te mbo kɛɛ le tonya Baabuiyo opum chɛlɔɔ. Te keŋ yɔŋnuŋ pɛ, challɔ ma nyunaŋ aa: ‘Yɛɛ o pɛɛku yɛ o kaŋnde ndɔleŋ niŋ mbo wa o sɔvɛ tau le ndu? Baa wanayaŋ ndɔŋ, ɔɔ wanaa nda chiɛɛliaŋ nda cho ndu simullo ni?’ Ke ndu teleŋndo le mbo yiyaŋ o nyɛ ŋ dimul ndu wo choo, a le mbo che mɛɛ nyɛ Baabuiyo dimi wo cho nyɛ sɔvɛ yɛ.

5. Piɛi le wana chɔm koŋ yeemɛiyo. Dimul Chɛhowa le mbo mala num ma nɔ yiyaŋ kɛndɔɔ a wana koŋ okɔɔ, a le ma pilaŋ ndu kɔllo. Nyuna Chɛhowa le mbo mala num ma sina teleŋ bɛnda ma kelu baltaŋ a wana chɔm iyeema tau le wo.—1 Kɔliŋ. 9:26.