BUŊGƐI WALII 12

Yeemɛi a Nyiɛɛye Chɔmndo

Tɛsaloniaŋ Tasoo 2:7, 8

SƆƆŊ KULLOŊ: Soo mɛɛ ŋ cho sinaŋndo o kɔllo niŋ yɛ, nduyɛ ma chɔm wanaa cho num nilaŋ yaŋɔɔ wa maa a buulaŋ le nda.

Yiyaŋ a wanaa cho num nilaŋ yaŋɔɔ wa. Toosiaa kɔl numndo. Loonuŋ numpila a bahawɛila cho nda choo laŋ. Yiyaŋ mɛɛ kɔllo cho nda yɛ.
Chaa diomndaŋ hɛli. Kindiŋ le wanaa cho num nilaŋ yaŋɔɔ wa dɛɛniaa, le nda nyɔɔloo nduyɛ ma luei nda yoomuaŋ. Soliŋ diomnda pala nda kɔllo laŋ kpeku le. Pɛɛsa wanaa chue wɔ tonyaa le wa le, nduyɛ pɛɛsa nyɛ nda laalaŋndo le.
Chɔm yeemɛi. Soo dɛɛ nduyɛ ma tiimbuŋ o nɛi koŋ niŋ le wanaa cho num nilaŋ yaŋɔɔ wa chɔmndo maa a nɔ yeemɛi o nda niŋ. Mandaŋ a mɛɛ ŋ cho hɔlaa numnda tosaa yɛ. Tɔɔliaa mamɔɔ muɛɛŋ.

Chɔm yeemɛi o lahɔl te. Hiau vɛlɛ ba a yeemɛi chɔmndo le. A wa pɛ diomndaŋ veeloo, chɔm yeemɛi cho o yooŋgu koŋ niŋndo. Tosa mi waŋnda muli hɔlla num kɔɔli le. Kindiŋ le suɛi o wanaa cho num nilaŋ yaŋɔɔ wa lo o nɛi kaalaa niŋ.