BUŊGƐI WALII 19

Kɔllo Waŋndo Pilaŋndo

Pulɔwaa 3:1

SƆƆŊ KULLOŊ: Mala wanaa cho num nilaŋ yaŋɔɔ wa ma tosa nyɛ nda pɛɛku wo.

Mala wanaa cho num nilaŋ yaŋɔɔ wa le ma che naa nda nɔ ma tosa hiouwɔɔ lachioo wa. Soli nyunalaŋ le wanaa cho num nilaŋ yaŋɔɔ wa malaa ma che mɛɛ nda cho o kɔllo niŋ yɛ.
Mala wanaa cho num nilaŋ yaŋɔɔ wa ma che le sabu nda nɔ ma tosa sɔɔŋ kɛndɔŋndo. Mala nda ma tosa sɔɔŋ kɛndɔŋ le kaala nda nɔ le Chɛhowa wo, waŋnda chieeya, nduyɛ a nyɛ Baabuiyo pɛɛku wo. Mala nda mi ndapila yiyaŋ o sɔɔŋ choo. Kuuliaa nda choo le. Ke nda lasiɔmbu le. Mala nda ma sɔla kɔl dɛɛniaa te a chii pɛ suɛi numnde, nduyɛ, ma nɔ yeemɛi le hiouwɔɔ lachioo tosaa.
Ke Chɛhowa tɔɔ. Mala nda ma sina mɛɛ nyɛ Baabuiyo pɛɛku wo, sawala mandaala Baabuiyo, a sawala Chɛhowalaŋ la chɔm suiliŋnda ndɔlaŋ a kaala ndɔɔ le naa yɛ. Mala wanaa cho num nilaŋ yaŋɔɔ wa ma che mɛɛ Chɛhowa yiyaŋ o sɔɔŋ choo yɛ. Nduyɛ ma kindiŋ le ndu kɔllo nɛŋioo.

Loonuŋ maa Chɛhowa veelu waŋnda ni. Soliŋ Diom ndɔɔ kpeku le wanaa cho num nilaŋ yaŋɔɔ wa malaa.