Tosa mi Waŋndo Wou Suɛi o Wali Niŋ

Pulɔwaa 3:​21

SƆƆŊ KULLOŊ: Mala wanaa cho num nilaŋ yaŋɔɔ wa ma sina mɛɛ suɛi numnde pilaŋ nda o yoomoo niŋ yɛ. Nduyɛ, ma chɔm nda mɛɛ nda wou nyɛ nda pɛɛku wo o wali niŋ yɛ.

VƐƐ Ŋ TOSA YƐ HEI?

• Yiyaŋ a wanaa cho num nilaŋ yaŋɔɔ wa. Yiyaŋ le sabu wanaa cho num nilaŋ yaŋɔɔ wa nɔ ma tuei nyɛ ŋ cho suɛiyo. Nduyɛ, ma yiyaŋ buŋgɛi mala nda o yoomu ndaa niŋndo.

• O suɛi numnde niŋ kpou, chɔm nda nyɛ nda nɔ ma tosa wo. A kandu dɔɔ pɛ suɛi, wana o wana cho num nilaŋ yaŋɔɔ nɔ mbo dimi maa, ‘Le ya suɛi hei cho ni.’ A wa pɛ buŋgɛi kɛ kɛ yaasiaa, chɔm nda mɛɛ nda wou ndi o wali niŋ yɛ. Viŋgi viŋgi sɔɔŋ te.