BUŊGƐI WALII 18

Waŋnda Pɛɛku o Suɛi Numnde Niŋ

Kɔliŋtiaŋ Tasoo 9:19-23

SƆƆŊ KULLOŊ: Tosa mi wanaa cho num nilaŋ yaŋɔɔ wa yiyaŋ, okoŋ, ma sina maa a pɛɛku nyɛ sɔvɛ o suɛi numnde niŋ.

Sina nyɛ wanaa cho num nilaŋ yaŋɔɔ wa a sina wo. Miŋgi lɛ sondoo o nyɛ nda sina wo choo le kɛ, mala nda ma che nyɛ nda sina koŋ ndo o nɛi teŋgeŋndo choo.

Viau o sɔɔŋ nda sina niŋ ndoŋ choo le, kɛ chua teleŋ numndo te a wa pɛ suɛi o sɔɔŋ nda sina le woŋ choo.
Yaasiaa ma yiyaŋ. Te o bɛnda pɛ, soliŋ sɔɔŋ waŋnda sina lapi le woŋ kpeku a sɔɔŋ sɛnɛiyoŋ le taamaseliilaŋ kɛsioo le sɔɔŋ kulloŋ. Yiyaŋ nyɛkɛndɛi o suɛi numnde choo nduyɛ ma yiyaŋ a mɛɛ i vel nyɛ ŋ cho dimioo wo yɛ.

Te a wa pɛ yaasiaa tosaa le suɛi numnde, numpila yiyaŋ ma nyunaŋ aa, ‘yɛɛnɛ?, le yɛɛ?, lɔɔ kuɛɛ?, kuɛɛnɛ?, nɛɛnɛ?, vɛɛnɛ?.’ Te a wa pɛ suɛi numnde yɔŋgoo, kindiŋ le nyunalaŋ ndaŋ latiŋ mulioo. Koŋ mala mi suɛi numnde sɔla yoomuaŋ.
Chɔm maa nyɛ ŋ cho dimioo wo cho o sɔvɛ. Tɛɛsiaa mɛɛ bolii Baabuiye mala wanaa cho num nilaŋ yaŋɔɔ wa o yoomula ndalaŋ niŋ yɛ. Soo a bahawɛilaŋ okɔɔ, kaalaŋ, a niilula wanaa cho num nilaŋ yaŋɔɔ wa nɔ yeemɛi leniŋ ndaŋ.