A Loonuŋ Pa?

Baa ma veelu pa diomndaŋ nyɛkɛndɛi o buŋgaŋ Bandu Mɛŋgɛlaa niŋ le wɔsioo hoo? Te lende i cho ni, mɛɛ kindiŋ ndɔ le nyunalaŋ ndaŋ mulioo:

Tɔnɔ yɛɛ naŋ sɔla yɛ te ŋ chua pɛ teleŋndo le piɛileŋ, pɛɛkoo a yiyaŋndo o nyɛ naŋ cho pɛɛkoo wo choo?

Hei mala naa miŋ tosa kɛɛsiaala sɔvɛlaŋ, miŋ simnuŋ wanaa pɛɛkaa kɛndɛ, mi laalaŋ naa chɔɔlu kalu poŋ, nduyɛ mi kaala naa le Chɛhowa chɔɔlu hindɔɔ.​—w22.01, peele 30-31.

Mala yɛɛ naŋ sɔla yɛ te ŋ tiindaŋ pɛ Chɛhowa a wanaa o yulu isu le chilaŋ chuaa wa?

Ŋ chɔm maa ŋ tiindaŋ Chɛhowa a mɛɛ o tosa sɔɔŋ yɛ, sanaa a kɛɛsiaala bɛnduaa kundaa tosalaŋ vɛlɛ a nɛila chɔmaala nda ke naa laŋ diikɔŋndo suŋ suŋ. A teleŋ nyɛpalaa bɛndoo, ŋ nɔ miŋ wa a bɛɛndiaŋ le nɛila chɔmaalaŋ diikɔŋndo o yɔŋ bɛɛ miŋ bii laŋ bila le ɔɔ miŋ yiyaŋ maa taasi cho leniŋ te.​—w22.02, peele 4-6.

Yɛɛ maalikɛinɔɔ ndoo yiyaŋ yɛ mɛɛ o dimul Sɛkalaya aa: “Waŋnda cho hunɔɔ Sɛlubabɛl [Masa Ibu­ŋgaa] chɔ a yoole tuwaaleŋ o ba”? (Sɛka. 4:​8-10)

Mi yilaŋnde hei ke wanaa Mɛlɛkaa tiindaŋndo maa, mi che bɛɛ chiɛi nda wa taŋgullo wo ve wa maa o paandoo le, kɛ chiɛi koŋ wa wa mɛɛ Chɛhowa ndoo yeema ndu yɛ.​—w22.03, peele 16-17.

Vɛɛ naŋ wa yɛ wana tamasi kɛndɛ a mɛɛ naŋ “suaa yɛ”? (1 Timo. 4:12)

Ŋ tosa hei te ŋ soo pɛ a lebɛɛ o wali dimiaa yooŋgu kɛndɔɔ niŋ, miŋ soli chondoŋ a kɔl naa kpou o bɔŋaŋndaŋ, miŋ yɔŋgu mulilaŋ o bɔŋaŋndaŋ, miŋ dimi tonyaa, miŋ soo diomnda taŋgul acheleŋnda laŋ, nduyɛ miŋ fafaŋ diomnda wɔɔŋndaŋ dimioo.​—w22.04, peele 6-9.

Le yɛɛ visi biyaa Sɔɔŋ Chɔɔmaŋndoŋ 13:​1, 2 soo okɔɔ wo, nɔ yɛ nyɛ o nyɛ visiaa biyaa hiɔɔluaa Daaniɛɛ bolle 7 soo a nda okɔɔ wa?

Visi biyaa Sɔɔŋ Chɔɔmaŋndoŋ bolle 13 soo a ndu okɔɔ wo sim le masale pilɛ mɛɛ masale wa Luomndeŋ le cho nuaa yɛ le. Kɛ o sim le masɛi kpou o chieeŋndo choo, i cho hau waŋnda chieeya nyɛpalaa tusioo choo ve.​—w22.05, peele 9.

Vɛɛ naŋ chɔm yɛ maa ŋ nɔ tiindaŋndo o sakpoyɛi Chɛhowɛi niŋ?

Te waŋndo benduŋ pɛ a naa ɔɔ mbo tɛɛmbuu naa kɔllo, ŋ nɔ miŋ mal kɔl tuuwo, miŋ soliŋ suɛi nɛiyaŋ keŋ o kɔl, nduyɛ miŋ mal Chɛhowa nyɛ o nyɛ o ba. O cho hunɔɔ nyɛ o nyɛ hakioo cho tosaa faŋa.​—w22.06, peele 10-11.

Yɛɛ puaapilɛnɔɔ nɔ yɛ mbo kɛsiŋ o kɔl te a dimul ndu pɛ le piɛileŋ o bɔŋaŋndo?

O nɔ mbo sila waŋndo o piɛileŋ niŋ ɔɔ mbo yɔŋgu yondaa le. Nduyɛ o nɔ mbo ‘soo tau’ le taama taama te o wa pɛ piɛileŋ le bɔŋaŋndo kandɔɔ. (Maa. 6:7)​—w22.07, peele 24-25.

O nɛi kuɛɛ choo “wanaa tosa sɔɔŋ wɔɔŋndoŋ nda” cho yɛ “fula ma kɔɔsa a nda”? (Chɔŋ 5:29)

Hei sim nuaa maa a cho nda yamɛi kilul o nɛi wɔɔŋndo choo le kaala ndalaŋ o paandoo niŋ te. Kɛ i sim maa, a cho nda handɔɔ o tofaa bɛŋgu le chɔɔ mɛɛ kaala ndalaŋ la cho wa yɛ, te a miiŋgu pɛ yoomu.​—w22.09, peele 18.

Yɛɛ Ŋgɔɔ J. F. Lutafɔɔ dimi yɛ o bɔŋaŋ bɛndu biinuŋ a Tapioo 1922?

Mɛɛ Ŋgɔɔ Lutafɔɔ wa suɛi yɔŋgoo o bɔŋaŋ bɛndu biinuŋ Sida Pɔiŋ Ohayo wo, mbo dimi aa: “La nua Masaa o masaleŋ choo! Nya cho wanaa dimi yooŋgoo a ndu okɔɔ wa ni. Lelaŋ, la yonda, la yonda, la yonda a Masaa vɛlɛ a Masale ndɔleŋ okɔɔ!”​—w22.10, peele 3-5.

A mɛɛ Aisaya bolle 30 chɔm yɛ, nɛila yaa kuɛɛ Mɛlɛka soliŋ yɛ kpeku le naa malaa miŋ biunuŋ sɔɔŋ kindilaŋ?

Bolle Baabuileŋ ndeŋ le chɔm maa, (1) mbo yaŋ piɛile naaleŋ nilaŋ, vɛlɛ mbo muli leŋ, (2) mbo ke naa nɛi chɔmaa, nduyɛ (3) mbo dɔu naa sala.​—w22.11, peele 9.

Le yɛɛ naŋ dimi yɛ maa mi diomnda Deeve dimi o Sam 37:​10, 11, 29 niŋndaŋ la peeluŋ o paandoo niŋ, nduyɛ maa la cho vɛlɛ peelɔŋ o chilaŋ niŋ?

Diomnda Deeve laŋ la chɔm mɛɛ Chɛhowa dɔu wanaa nduaa o Isɔluɛi niŋ sala yɛ, mɛɛ teleŋ Sɔlɔmɔŋ wa o ­masaleŋ choo wo cho nuaa yɛ. Mi Chiisu suaa a kpele hɛnɛkɛ wa niŋ o chilaŋ niŋndo okɔɔ, nduyɛ mbo miŋgi sondo o nyɛ Sam 37:​11 soo a ndu okɔɔ wo choo. (Maa. 5:​5; Luku 23:​43)​—w22.12, peele 8-10, 14.