Bolle Baabuileŋ Tɛɛsiaa Nyɛkɛndɛi

Chɔŋ 10:​33-36

SƆƆŊ KULLOŊ: Veelu bolle Baabuileŋ, okoŋ, ma huulu naa cheleŋ a suɛi le. Tosa a sabu maa wanaa cho num nilaŋ yaŋɔɔ wa che mɛɛ bolle Baabuile leŋ le pilaŋ suɛi ŋ cho dimioo ve yɛ.

VƐƐ Ŋ TOSA YƐ HEI?

• Hɛli diomnda kpeekpeilaŋ. Te a chii pɛ diomndaŋ veelu, hɛli diomnda chiɛɛliaŋ a suɛi numnde laŋ. A tosa hei te a miŋgi pɛ sondoo o diomndaŋ ndaŋ choo, te koŋ te, te a soli pɛ nyunaa, okoŋ mi wanaa cho num nilaŋ yaŋɔɔ wa hɛli diomndaŋ ndaŋ le nda pila.

• Kindila suɛi kulle. Te a veelu pɛ bolle Baabuileŋ okoŋ ma chɔm le sabu ŋ cho leŋ diomndaŋ veelu wo, tɛɛsiaa mɛɛ diomnda kpeekpeilaŋ la chɛlaŋ a sabu num koŋ yɛ.

• Tɛɛsiaa leŋ tɛtɛlɛ. A wa pɛ tɛɛsiaa, wou sɔɔŋ cheleŋ tɛɛŋ te. Yiyaŋ a nyɛ wanaa cho num nilaŋ yaŋɔɔ wa sina niŋ a suɛi keŋ okɔɔ wo, okoŋ ma sina nyɛ yeemaŋ o tɛɛsiaa numndo niŋndo. Hoo cho tosa mi tɛɛsiaa numndo wa tɛtɛlɛ nduyɛ, mi waŋnda bii ndu bila.