မးသဲ
၇ “ဒ်သိး သုတဘၣ် တၢ်စံၣ်ညီၣ်တဂ့ၤအဂီၢ် တဘၣ်စံၣ်ညီၣ် ပှၤဂၤလၢၤတဂ့ၤ.+ ၂ ဒ်သုစံၣ်ညီၣ်ပှၤဂၤအသိးန့ၣ် သုကဘၣ် တၢ်စံၣ်ညီၣ်က့ၤသု ဒ်န့ၣ်စ့ၢ်ကီးလီၤ.+ ဒီးဒ်သုရ့ပှၤဂၤအသိး အဝဲသ့ၣ် ကက့ၤရ့ဒီးသု ဒ်န့ၣ်စ့ၢ်ကီးလီၤ.+ ၃ မ့မ့ၢ်ဒ်န့ၣ်န့ၣ် ဘၣ်မနုၤအဃိ နကွၢ်လီၢ်ဘိလၢ အအိၣ်လၢ နဒီပုၢ်ဝဲၢ်ခွါ အမဲာ်ချံပူၤလဲၣ်. သ့ၣ်တဘိအိၣ်လၢ နမဲာ်ချံပူၤန့ၣ် နတသ့ၣ်ညါဧီၤ.+ ၄ ဒီးသ့ၣ်တဘိ မ့ၢ်အိၣ်လၢ နမဲာ်ချံပူၤန့ၣ် နတဲ နဒီပုၢ်ဝဲၢ်ခွါလၢ ‘ဟ့ၣ်ယၤအခွဲးလၢ ယကထုးထီၣ်ကွံာ် လီၢ်ဘိလၢအအိၣ်လၢ နမဲာ်ချံပူၤန့ၣ်’ ကသ့ဒ်လဲၣ်. ၅ ပှၤပာ်မၤအသးသ့ၣ်ဧၢ, ထုးထီၣ်ဆိကွံာ် သ့ၣ်တဘိလၢ နမဲာ်ချံပူၤတက့ၢ်. နမ့ၢ်မၤဒ်န့ၣ်န့ၣ် နကဘၣ်ထုးထီၣ်ကွံာ် လီၢ်ဘိလၢအအိၣ်လၢ နဒီပုၢ်ဝဲၢ်ခွါအမဲာ်ချံပူၤ ဒ်လဲၣ်ဒ်လဲၣ်န့ၣ် နကထံၣ်ၡဲၡဲလီၤ.
၆ “တဘၣ်ဟ့ၣ်လီၤ ထွံၣ်တဖၣ်လၢ တၢ်လၢအစီဆှံတဂ့ၤ. ဒီးနပလဲတဖၣ်န့ၣ် တဘၣ်တၢၤလီၤလၢ ထီးတဖၣ် အမဲာ်ညါတဂ့ၤ.+ သုမ့ၢ်မၤဒ်န့ၣ်န့ၣ် ထီးကယီၢ်တံၢ်ဘၣ်ဖုးဝဲ ဒီးကဃၣ်အသးလၢသုအိၣ် ဒီးကအ့ၣ်သုလီၤ.
၇ “ဆဲးဃ့တၢ် ဒီးတၢ်ကဟ့ၣ်လီၤသုလီၤ.+ ဆဲးဃုတၢ် ဒီးသုကထံၣ်န့ၢ်တၢ်လီၤ. ဆဲးဒိတကျိာ်တၢ် ဒီးတၢ်ကအိးထီၣ်န့ၢ်သုလီၤ.+ ၈ ပှၤကိးဂၤဒဲးလၢ အဃ့တၢ်န့ၣ် ကဒိးန့ၢ်ဘၣ်ဝဲ,+ ပှၤကိးဂၤဒဲးလၢ အဃုတၢ်န့ၣ် ကထံၣ်န့ၢ်ဝဲ ဒီးပှၤကိးဂၤဒဲးလၢ အဒိတကျိာ်တၢ်န့ၣ် တၢ်ကအိးထီၣ်န့ၢ်အီၤလီၤ. ၉ ပှၤလၢသုကျါ လၢအဖိခွါ မ့ၢ်ဃ့အီၣ်အီၤကိၣ် ဒီးကဟ့ၣ်လီၤဝဲ လၢလၢၢ်န့ၣ် အိၣ်တဂၤဂၤဧါ. ၁၀ မ့တမ့ၢ် အဖိခွါမ့ၢ်ဃ့အီၤလၢ ညၣ်တဘ့ၣ်န့ၣ် မ့ၢ်အဝဲ ကဟ့ၣ်လီၤဝဲလၢ ဂုၢ်တဘိဧါ. ၁၁ သုကဲပှၤအၢပှၤသီမး သုမ့ၢ်သးအိၣ်ဟ့ၣ် သုဖိတၢ်ဟ့ၣ်လၢအဂ့ၤန့ၣ် သုပၢ်အိၣ်လၢမူခိၣ် ကဟ့ၣ်ဝဲပှၤလၢ+ အဃ့တၢ်လၢအီၤတဖၣ်+ အါန့ၢ်အန့ၣ် တမ့ၢ်ဧီၤ.
၁၂ “အဃိ ကယဲၢ်တၢ်လၢ သုအဲၣ်ဒိးလၢ ပှၤဂၤကမၤသုန့ၣ် မၤအဝဲသ့ၣ်ဒ်န့ၣ် စ့ၢ်ကီးတက့ၢ်.+ နီၢ်ကီၢ်န့ၣ် စီၤမိၤၡ့ အတၢ်သိၣ်တၢ်သီ ဒီးဝံအတၢ်ကွဲးအသးတဖၣ် သိၣ်လိဝဲ တၢ်ဂ့ၢ်အဝဲန့ၣ်လီၤ.+
၁၃ “လဲၤနုာ်လီၤလၢ တြဲၤလၢအအံၣ်တက့ၢ်.+ တြဲၤလၢအလဲၢ်ဒီး ကျဲလၢအလဲၢ်န့ၣ် ဆှၢပှၤလၢတၢ်ဟးဂီၤ ဘၣ်ဆၣ် ပှၤလဲၤနုာ်ဝဲဖဲန့ၣ် အါမးလီၤ. ၁၄ မ့မ့ၢ် တြဲၤလၢအအံၣ် ဒီးကျဲလၢ အအံၣ်န့ၣ် ဆှၢပှၤလၢတၢ်မူ ဘၣ်ဆၣ် ပှၤထံၣ်န့ၢ်ဝဲ ထဲစှၤဂၤလီၤ.+
၁၅ “ပလီၢ်သုသးလၢ ဝံအဘျၣ်တဖၣ်တက့ၢ်.+ အဝဲသ့ၣ် ကဟဲလၢသုအိၣ် ဒီးသိးဝဲ သိအဘ့ၣ်+ ဘၣ်ဆၣ် လၢအပူၤန့ၣ် မ့ၢ်ဝဲထွံၣ်မံၤလၢ အအဲၣ်ဒိး အီၣ်တၢ်လီၤ.+ ၁၆ သုကသ့ၣ်ညါ အဝဲသ့ၣ် ခီဖျိလၢ အတၢ်မၤတဖၣ်လီၤ.* ပှၤတလဲၤဒဲး စပံးသၣ်လၢ သပှီာ်တၤဆှုၣ် အလိၤဘၣ် ဒီးပှၤတလဲၤဒဲး ချၢၣ်ဒၢသၣ်လၢ နီၣ်တၤဆှုၣ်အလိၤ စ့ၢ်ကီးဘၣ်.+ ၁၇ ဒ်န့ၣ်အသိး သ့ၣ်လၢအဂ့ၤကိးထူၣ်ဒဲးန့ၣ် ကသၣ်ထီၣ် အသၣ်လၢအဂ့ၤလီၤ. မ့မ့ၢ် သ့ၣ်လၢအတဂ့ၤဘၣ် ကိးထူၣ်ဒဲးန့ၣ် ကသၣ်ထီၣ်အသၣ်လၢ အတဂ့ၤဘၣ်တဖၣ်လီၤ.+ ၁၈ သ့ၣ်လၢအဂ့ၤတထူၣ်န့ၣ် တသၣ်ထီၣ်အသၣ်လၢ အတဂ့ၤန့ၣ်ဘၣ်. ဒ်န့ၣ်အသိး သ့ၣ်လၢ အတဂ့ၤဘၣ်တထူၣ်န့ၣ် တသၣ်ထီၣ်အသၣ်လၢ အဂ့ၤစ့ၢ်ကီးဘၣ်.+ ၁၉ သ့ၣ်ကိးထူၣ်ဒဲးလၢ အတသၣ်ထီၣ် အသၣ်လၢ အဂ့ၤဘၣ်န့ၣ် ကဘၣ်တၢ်ကူာ်လီၤကွံာ်အီၤ ဒီးကွံာ်လီၤအီၤလၢ မ့ၣ်အူပူၤလီၤ.+ ၂၀ အဃိ ဝံလၢအဘျၣ်တဖၣ်န့ၣ် သုကသ့ၣ်ညါ အဝဲသ့ၣ် ခီဖျိလၢ အတၢ်မၤတဖၣ်လီၤ.*+
၂၁ “ပှၤလၢအကိးယၤလၢ ‘ကစၢ်ဧၢ, ကစၢ်ဧၢ’ န့ၣ် တလဲၤနုာ်ဘၣ်လၢ မူခိၣ်အဘီအမုၢ်အပူၤ ကိးဂၤဒဲးဘၣ်. ကလဲၤနုာ်ဘၣ်ထဲ ပှၤလၢ အမၤယပၢ်အိၣ်လၢမူခိၣ် အတၢ်ဘၣ်သးလီၤ.+ ၂၂ ဖဲမုၢ်နံၤအဝဲန့ၣ် ပှၤအါဂၤ ကတဲယၤလၢ ‘ကစၢ်ဧၢ, ကစၢ်ဧၢ’+ ပတဲတၢ်ဒ် ဝံအသိးလၢနမံၤ, ပနီဟးထီၣ်ကွံာ် တၢ်ဝံတၢ်နါလၢနမံၤ ဒီးပမၤတၢ်လီၤလးအါမး လၢနမံၤတမ့ၢ်ဧီၤ.+ ၂၃ ဖဲန့ၣ်အခါ ယကတဲဘၣ် အဝဲသ့ၣ်လၢ ‘ယတသ့ၣ်ညါသု နီတဘျီဘၣ်. သုဝဲလၢအမၤ တၢ်အၢတၢ်သီသ့ၣ်ဧၢ, ဟးယံၤဒီးယၤတက့ၢ်.’+
၂၄ “မ့မ့ၢ် ကယဲၢ်ပှၤလၢ အနၢ်ဟူယတၢ်ကတိၤ ဒီးမၤထွဲဝဲတဖၣ်န့ၣ် လီၤဂာ်ဒ်သိးဒီး ပှၤကူၣ်တၢ်သ့လၢ အသူၣ်ထီၣ်ဟံၣ်လၢ လၢၢ်ခိၣ်လီၤ.+ ၂၅ မ့ၢ်လၢဟံၣ်အံၤ သူၣ်ထီၣ်အသးလၢ လၢၢ်ခိၣ်အဃိ ဖဲတၢ်ဟဲစူၤ, ထံဒိၣ်ထီၣ် ဒီးကလံၤဟဲအူဘၣ် ဟံၣ်အခါ ဟံၣ်န့ၣ်တလီၤပှီၢ်ဘၣ်. ၂၆ မ့မ့ၢ် ကယဲၢ်ပှၤလၢ အနၢ်ဟူယတၢ်ကတိၤ ဒီးတမၤထွဲဝဲဘၣ်တဖၣ်န့ၣ် လီၤဂာ်ဒ်သိးဒီး ပှၤလၢအသးတဆးဘၣ် လၢအသူၣ်ထီၣ်အဟံၣ်လၢ မဲးခိၣ်လီၤ.+ ၂၇ ဖဲတၢ်ဟဲစူၤ, ထံဒိၣ်ထီၣ် ဒီးကလံၤဟဲအူဘၣ်ဟံၣ် ဆူၣ်ဆူၣ်အခါ+ ဟံၣ်တဖျၢၣ်အံၤလီၤပှီၢ်ဝဲဒီး ဟးဂီၤကွံာ်ဝဲ ခဲလၢာ်လီၤ.”
၂၈ ဖဲယ့ၣ်ၡူး တဲတၢ်ဝံၤအခါ ပှၤဂီၢ်မုၢ်တဖၣ် ကမၢကမၣ်ဝဲ ခီဖျိလၢ အတၢ်သိၣ်လိနဲၣ်လိတဖၣ် အဃိလီၤ.+ ၂၉ ဒီးယ့ၣ်ၡူးသိၣ်လိတၢ် ဒ်ပှၤလၢအအိၣ်ဒီး တၢ်စိတၢ်ကမီၤတဂၤအသိး+ ဒီးတမ့ၢ်ဒ် ပှၤကွဲးလံာ်ဖိတဖၣ် အသိးဘၣ်.