အိၣ်ဒီးတၢ်ဒိသူၣ်ဒိသး

ယ့ၣ်ၡူးမၤဝဲဒ်လဲၣ်

တၢ်ဂီၤမူ– ယ့ၣ်ၡူးသးကညီၤဘၣ် ပှၤဂီၢ်မုၢ်တဖၣ်

၁. ကွၢ် တၢ်ဂီၤမူ ဒီး ဖး မၢ်ကူး ၆:၃၀-၃၄. ဝံၤဒီးတဲသကိး တၢ်သံကွၢ်လၢလာ်တဖၣ်အံၤ–

1. က. ဘၣ်မနုၤအဃိ ယ့ၣ်ၡူးဒီးအတၢ်မၢဖိတဖၣ် ဘၣ်သးလဲၤလၢ “တၢ်လီၢ်လၢ ပှၤတအိၣ် နီတဂၤဘၣ်အလီၢ်” လဲၣ်.

2. ခ. တၢ်မနုၤထိၣ်ဟူးထိၣ်ဂဲၤထီၣ် ယ့ၣ်ၡူးလၢ အဘၣ်သးသိၣ်လိဝဲ ပှၤဂီၢ်မုၢ်တဖၣ်လဲၣ်.

ပမၤလိန့ၢ်တၢ်လၢ ယ့ၣ်ၡူးအအိၣ်ဒ်လဲၣ်

၂. ပမ့ၢ်အိၣ်ဒီး တၢ်ဒိသူၣ်ဒိသးန့ၣ် ပကတဲပၠးပှၤဂၤ တၢ်သးခုကစီၣ်အဂ့ၢ် ဒီးပကသးအိၣ်မၤစၢၤပှၤဂၤစ့ၢ်ကီး.

ကွၢ်လိမၤဒိးယ့ၣ်ၡူး

၃. ဒိကနၣ်တၢ်ထံထံ. ဖဲပှၤဂၤတဲဖျါထီၣ် အတၢ်ထံၣ်, အတၢ်ဘၣ်ယိၣ် ဒီးတၢ်လၢအတူၢ်လိာ်ဝဲ တန့ၢ်ဘၣ်တဖၣ်အခါ တဘၣ်နုာ်လီၤတဲတၢ်လၢ တၢ်ဘၢၣ်စၢၤတဂ့ၤ. ဒိကနၣ်အဝဲသ့ၣ်ထံထံ ဒီးပျဲအဝဲသ့ၣ်လၢ အကပာ်ဖျါထီၣ် အတၢ်ထံၣ်. နမ့ၢ်မၤဒ်န့ၣ်န့ၣ် မ့ၢ်ဒၣ်နပာ်ဖျါထီၣ်လၢ နသးအိၣ်ဒိကနၣ် အဝဲသ့ၣ်.

၄. ဆိကမိၣ်န့ၢ်တၢ်လၢ ပှၤလၢအသးအိၣ် တၢ်မ့ၢ်တၢ်တီအဂီၢ်. ဖဲနတဲသကိးတၢ်ဒီးအီၤအခါ သံကွၢ်လီၤနသးလၢ–

1. က. ‘ဘၣ်မနုၤအဃိ ယကဘၣ်တဲဘၣ်အီၤ တၢ်မ့ၢ်တၢ်တီလဲၣ်.’

2. ခ. ‘တၢ်မၤလိလံာ်စီဆှံန့ၣ် ကမၤစၢၤအီၤလၢ အကအိၣ်ဒီး တၢ်အိၣ်မူလၢအဂ့ၤ လၢဆၢကတီၢ်ခဲအံၤ ဒီးလၢခါဆူညါဒ်လဲၣ်.’

၅. တဲပၠးအီၤတၢ်ဂ့ၢ်လၢ ကကဲထီၣ်တၢ်မၤစၢၤလၢအဂီၢ်. မ့ၢ်သ့န့ၣ် တဲပၠးအီၤလၢအဆိအချ့ ဘၣ်ဃးဒီး အမ့ၢ်မၤလိလံာ်စီဆှံန့ၣ် အကသ့ၣ်ညါထီၣ်ဘၣ် အတၢ်သံကွၢ်တဖၣ်အတၢ်စံးဆၢ. တကးဒံးဘၣ် ကကဲဘျုးလၢအဂီၢ်အါမး.