ဖဲယ့ၣ်ၡူးအိၣ်လၢ ဟီၣ်ခိၣ်ချၢအခါ အမၤမနုၤလဲၣ်

ပှၤအါဂၤန့ၣ် နၢ်ဟူဘၣ်ယ့ၣ်ၡူးအဂ့ၢ် ဘၣ်ဆၣ် ပှၤတနီၤန့ၣ် သ့ၣ်ညါထဲ တၢ်ကဲထီၣ်အသးဒီးယ့ၣ်ၡူး ဖဲအအိၣ်ဖျဲၣ်ထီၣ်သီသီ အခါလီၤ. မ့မ့ၢ်ပှၤအဂၤတနီၤန့ၣ် သ့ၣ်ညါအီၤလၢအမ့ၢ် ပှၤလၢအဂ့ၤတဂၤ ဒီးအဂၤတနီၤန့ၣ် သ့ၣ်ညါဝဲ တၢ်ကဲထီၣ်အသးဒီးယ့ၣ်ၡူး ဖဲယ့ၣ်ၡူးဘူးထီၣ်ကသံအခါ. ဘၣ်ဆၣ် ပမ့ၢ်ဃုသ့ၣ်ညါအါထီၣ် ဘၣ်ဃးဒီး ယ့ၣ်ၡူးအတၢ်အိၣ်မူ လၢဟီၣ်ခိၣ်ချၢန့ၣ် ပကနၢ်ပၢၢ်အါထီၣ် ယ့ၣ်ၡူးအဂ့ၢ်. အဃိ လၢတၢ်မၤလိတခါအံၤအပူၤ ပကတဲသကိး ဘၣ်ဃးဒီး တၢ်အရ့ဒိၣ်ကတၢၢ်တဖၣ် လၢယ့ၣ်ၡူးမၤဝဲ ဒီးတၢ်လၢအမၤဝဲတဖၣ်အံၤ ကဲဘျုးလၢနဂီၢ်ဒ်လဲၣ်.

၁. ယ့ၣ်ၡူး အတၢ်မၤ လၢအရ့ဒိၣ်ကတၢၢ်တခါန့ၣ် မ့ၢ်မနုၤလဲၣ်.

ယ့ၣ်ၡူး အတၢ်မၤ လၢအရ့ဒိၣ်ကတၢၢ်တခါန့ၣ် မ့ၢ်ဝဲအ “စံၣ်တဲၤတဲလီၤ ယွၤအဘီအမုၢ် တၢ်သးခုကစီၣ်.” (ဖး လူၤကၣ် ၄:၄၃.) ယ့ၣ်ၡူး စံၣ်တဲၤတဲလီၤ တၢ်သးခုကစီၣ် လၢအဘၣ်ဃးဒီး ကစၢ်ယွၤ ကဒုးအိၣ်ထီၣ် ဘီမုၢ်လၢအမ့ၢ် တၢ်ပၢတၢ်ပြးတခါ လၢကမၤဘၣ်ဂီၢ်က့ၤ ပှၤဟီၣ်ခိၣ်ဖိ အတၢ်ကီတၢ်ခဲ ခဲလၢာ်.a ဒီးလၢသၢနံၣ်တခီ အတီၢ်ပူၤန့ၣ် ယ့ၣ်ၡူး ဂုာ်ကျဲးစၢးဝဲဆူၣ်ဆူၣ် ဒ်သိး ကတဲဘၣ်ပှၤဂၤ လၢတၢ်သးခုကစီၣ် တခါအံၤ.—မးသဲ ၉:၃၅.

၂. ဘၣ်မနုၤအဃိ ယ့ၣ်ၡူးမၤဝဲ တၢ်လီၤလးတဖၣ်လဲၣ်.

လံာ်စီဆှံ တဲဖျါထီၣ်ဝဲလၢ “ခီဖျိလၢ [ယ့ၣ်ၡူး] အဃိ ကစၢ်ယွၤမၤဝဲ တၢ်ဖံးတၢ်မၤလၢ အအိၣ်ဒီးအစိအကမီၤ, တၢ်လီၤလးတဖၣ် ဒီးတၢ်ပနီၣ်လီၤလးတဖၣ်.” (မၤတၢ် ၂:၂၂) ကစၢ်ယွၤ ဟ့ၣ်လီၤယ့ၣ်ၡူး တၢ်စိတၢ်ကမီၤ ဒ်သိး အကမၤပတုာ်ဝဲ ကလံၤမုၢ်ဖးဒိၣ်, ကဒုးအီၣ်ဒုးအီ ပှၤလၢအကထိတဖၣ်, ကမၤဘျါက့ၤ ပှၤဆူးပှၤဆါ ဒီးကမၤသမူထီၣ်က့ၤပှၤသံ. (မးသဲ ၈:​၂၃-၂၇; ၁၄:​၁၅-၂၁; မၢ်ကူး ၆:၅၆; လူၤကၣ် ၇:​၁၁-၁၇) အဃိ တၢ်လီၤလးလၢ ယ့ၣ်ၡူးမၤဝဲတဖၣ်အံၤ ပာ်ဖျါထီၣ်ဝဲလၢ ကစၢ်ယွၤ ဆှၢလီၤအီၤ. ဒီးတၢ်လီၤလးတဖၣ်အံၤ ပာ်ဖျါထီၣ်ဝဲလၢ ယဟိဝၤယွၤန့ၣ် အိၣ်ဒီးတၢ်စိတၢ်ကမီၤ လၢကမၤဘၣ်ဂီၢ်က့ၤ ပတၢ်ကီတၢ်ခဲ ခဲလၢာ်.

၃. ပကွၢ်လိ ယ့ၣ်ၡူးကသ့ဒ်လဲၣ်.

ယ့ၣ်ၡူးန့ၣ် အဒိကနၣ် ယဟိဝၤယွၤအကလုၢ် ထီဘိလီၤ. (ဖး ယိၤဟၣ် ၈:၂၉.) ပှၤထီဒါအီၤ သနာ်က့ အမၤအပါတၢ်ဘၣ်သး လၢတၢ်သးတီအပူၤ တုၤလၢအသံ. အဃိ ယ့ၣ်ၡူးပာ်ဖျါထီၣ်ဝဲလၢ ပှၤဟီၣ်ခိၣ်ဖိ မ့ၢ်ထံၣ်ဘၣ် တၢ်အိၣ်သး လၢအကီအခဲသနာ်က့ အဝဲသ့ၣ် မၤကစၢ်ယွၤအတၢ်မၤသ့ဒံး. တကးဒံးဘၣ် ယ့ၣ်ၡူး ပာ်လီၤန့ၢ်ပှၤ “တၢ်အဒိအတဲာ် ဒ်သိး [ပ] ကယီၢ်အခီၣ်လီၢ် ဘူးဘူးတံၢ်တံၢ် အဂီၢ်လီၤ.”​—၁ ပ့းတရူး ၂:၂၁.

၅. ယ့ၣ်ၡူး သိၣ်လိဝဲ တၢ်ဟံးစုနဲၣ်ကျဲ လၢအကဲဘျုး

ယ့ၣ်ၡူး စံၣ်တဲၤတဲလီၤဝဲ တၢ်သးခုကစီၣ် ဘၣ်ဃးဒီး ကစၢ်ယွၤအဘီအမုၢ် တကးဒံးဘၣ် အဝဲသိၣ်လိဝဲ တၢ်ဟံးစုနဲၣ်ကျဲ လၢအကဲဘျုး. ပကကွၢ်သကိး တၢ်အဒိတနီၤ လၢအဘၣ်ဃးဒီး ယ့ၣ်ၡူးအတၢ်သိၣ်လိ လၢကစၢၢ်ခိၣ်. ဖး မးသဲ ၆:၁၄, ၃၄ ဒီး ၇:၁၂ ဝံၤဒီး တဲသကိး တၢ်သံကွၢ် လၢလာ်တဖၣ်အံၤ–

• လၢလံာ်စီဆှံ အဆၢတဖၣ်အံၤအပူၤ ယ့ၣ်ၡူးသိၣ်လိဝဲ တၢ်ဟ့ၣ်ကူၣ် မနုၤတဖၣ်လဲၣ်.

• နဆိကမိၣ် ယ့ၣ်ၡူး အတၢ်ဟ့ၣ်ကူၣ်တဖၣ်အံၤ ခဲအံၤ အကဲဘျုးဒံးဧါ.

၆. ယ့ၣ်ၡူး မၤဝဲတၢ်လီၤလးတဖၣ်

ယဟိဝၤယွၤ ဟ့ၣ်ဝဲ ယ့ၣ်ၡူး တၢ်စိတၢ်ကမီၤ လၢအကမၤ တၢ်လီၤလးအါမး. နကသ့ၣ်ညါဘၣ် တၢ်အဒိတခါအဂီၢ် ဖး မၢ်ကူး ၅:​၂၅-၃၄ မ့တမ့ၢ် ကွၢ်တၢ်ဂီၤမူ. ဝံၤဒီး တဲသကိး တၢ်သံကွၢ် လၢလာ်တဖၣ်အံၤ.

တၢ်ဂီၤမူ– ပိာ်မုၣ်လၢ အဆိးက့တဂၤ ဘျါက့ၤဝဲ (၅:၁၀)

• လၢတၢ်ဂီၤမူအပူၤန့ၣ် ပိာ်မုၣ်လၢ အဆိးက့တဂၤ နာ်ဝဲမနုၤလဲၣ်.

• ဘၣ်ဃးဒီး တၢ်လီၤလးတခါအံၤန့ၣ် နဘၣ်သူၣ်ဘၣ်သး တၢ်ဂ့ၢ်ဖဲလဲၣ်တခါလဲၣ်.

ဖး ယိၤဟၣ် ၅:၃၆ ဝံၤဒီး တဲသကိး တၢ်သံကွၢ် လၢလာ်တဖျၢၣ်အံၤ–

• တၢ်လီၤလး လၢယ့ၣ်ၡူးမၤဝဲတဖၣ်အံၤ ပာ်ဖျါထီၣ် “တၢ်အုၣ်အသး” ဘၣ်ဃးဒီးအီၤဒ်လဲၣ်.

တၢ်ဂ့ၢ်လၢအရ့ဒိၣ်

ယ့ၣ်ၡူး စံၣ်တဲၤတဲလီၤ ကစၢ်ယွၤအဘီအမုၢ်အဂ့ၢ်, မၤတၢ်လီၤလးတဖၣ် ဒီးဒိကနၣ် ယဟိဝၤယွၤ အကလုၢ်ထီဘိ.

တၢ်ကွၢ်ကဒါက့ၤ

• ဖဲယ့ၣ်ၡူး အိၣ်လၢဟီၣ်ခိၣ်ချၢအခါ အတၢ်မၤ လၢအရ့ဒိၣ်ကတၢၢ်တခါန့ၣ် မ့ၢ်မနုၤလဲၣ်.

• တၢ်လီၤလးတဖၣ် လၢယ့ၣ်ၡူးမၤဝဲန့ၣ် ပာ်ဖျါထီၣ်ဝဲ မနုၤလဲၣ်.

• တၢ်ဟံးစုနဲၣ်ကျဲ လၢယ့ၣ်ၡူး သိၣ်လိဝဲန့ၣ် မ့ၢ်မနုၤတဖၣ်လဲၣ်.

ဃုသ့ၣ်ညါ

တၢ်ဂ့ၢ် လၢယ့ၣ်ၡူးတဲဝဲ အါကတၢၢ်န့ၣ် မ့ၢ်မနုၤလဲၣ်.

“ကစၢ်ယွၤအဘီအမုၢ် မ့ၢ်ဝဲ တၢ်လၢအရ့ဒိၣ်တခါ လၢယ့ၣ်ၡူးအဂီၢ်” (တၢ်ဂ့ၢ်လၢ အအိၣ်လၢ တၢးထီခိးတၢ် အပူၤ)

ဖးကွၢ် တၢ်ဂ့ၢ်လၢအပာ်ဖျါထီၣ်ဝဲ တၢ်လီၤလး လၢယ့ၣ်ၡူးမၤဝဲတဖၣ်န့ၣ် ပနာ်သ့လၢ အကဲထီၣ်သးနီၢ်ကီၢ်.

“တၢ်လီၤလးလၢ ယ့ၣ်ၡူးမၤဝဲတဖၣ်န့ၣ် ကကဲဘျုးလၢနဂီၢ် ဒ်လဲၣ်” (တၢးထီခိးတၢ်, လါယူၤလံ ၁၅, ၂၀၀၄)

ဖးကွၢ် တၢ်ဂ့ၢ်ဘၣ်ဃးဒီး ပိာ်ခွါတဂၤ သ့ၣ်ညါထီၣ်ဝဲလၢ ယ့ၣ်ၡူးသးအိၣ်ပှၤဂၤ အဃိ ကဲဘျုးလၢ အတၢ်အိၣ်မူဒ်လဲၣ်.

“ယကွၢ်တၢ်ထဲလၢ ယနီၢ်ကစၢ်အဂီၢ်” (တၢးထီခိးတၢ်, လါအီးကထိဘၢၣ် ၁, ၂၀၁၄)

ကွၢ်စရီ လၢအပာ်ဖျါထီၣ်ဝဲ တၢ်အရ့ဒိၣ် တဖၣ် လၢယ့ၣ်ၡူးမၤဝဲ ဒီးတၢ်ဆၢကတီၢ် လၢအမၤဝဲ.

“တၢ်မၤအသးတဖၣ်ဖဲ ယ့ၣ်ၡူး အိၣ်မူလၢဟီၣ်ခိၣ်ချၢအခါ” (ဟီၣ်ခိၣ်သီတၢ်ကွဲးကျိာ်ထံ လံာ်စီဆှံ, တၢ်ဂ့ၢ်ဘၣ်ထွဲလိာ်သး က၇)