Bampasi nyonso ke katuká kwandi na Satana?

Mvutu ya Biblia

Biblia ke lakisá ti Satana ke muntu ya tsyeleka yina zola kutalisa bantu mpasi. Na kulungisa makanisi ya yandi ya yimbi, yandi ke sadilá “bidimbu ya ngitukulu ya luvunu” mpe “konso mutindu ya yimbi samu na kuvuna.” Biblia ke zonzá ti yandi “ke sosaka na kutalana mutindu mbazi yina ke lezimaka.” (2 Batesalonika 2:9, 10; 2 Bakorinto 11:14) Bamambu ya yimbi yina Satana ke salá ke lakisá ti yandi ke muntu ya tsyeleka.

Kasi, bampasi nyonso ke katukaka ve na Satana. Samu na yinki beto ke na zonzak’ yawu? Samu ti Nzambi yidiká muntu nyonso na makoki ya kusoola yandi mosi kusala mambu ya mbote to ya yimbi. (Yosua 24:15) Ntangu beto ke baká mikanu ya yimbi, ya ke natiná beto bampasi.—Bagalate 6:7, 8.