Bantangu ya ngolo—Yinki Biblia ke zonzaka?

• “Na mvula yayi, na Chine, ba ke na kutaná na bantangu ya kulutila ngolo yina nabunu ya salama.”—The Guardian, na kilumbu ya 7 septembre 2022.

• “Na Afrique, ya ke vanda na bantangu ya ngolo yina ke salama na bisika mingi. Ya ke landasana na kati ya bamvula 5.”—UN News, na kilumbu ya 26 Août 2022.

• “Bubu yayi bisika mingi ya Europe ke na mpasi, samu ba ke na kutaná na bantangu ya kulutila ngolo na bantangu nyonso yina me salama na kati ya bamvula 500 yina me luta.”—BBC News, na kilumbu ya 23 Août 2022.

Bantu mingi ya mayela me zonza ti bantangu ke vanda kaka mpe ya ke kuma dyaka ngolo ya kulutila. Beto lenda vanda kwandi na kivuvu samu na bilumbu ya mantwala? Yinki Biblia ke zonzaka?

Mambu yina Biblia ke zonzá na yina me tadila bantangu ya ngolo

Biblia zonzá ti na ntangu ya beto:

• “Na bizunga mingi, madya ke kondwa.”—Luke 21:11.

Bantangu ya ngolo ke salá ti madya vanda dyaka ve mingi. Na yawu bansatu mpe lufwa yina ya ke natá, ke lungisá bambikudulu ya Biblia.—Luzabusu 6:6, 8.

Samu na yinki bantangu ke na kumá ngolo

Biblia ke lakisá bamambu yina ke salá ti bantangu ya ngolo kuma dyaka ngolo. Ya zonzaka:

• ‘Muntu yina ke ‘tambula kele ve na kiyeka ya kutwadisa bitambi ya yandi mosi.’—Yeremia 10:23.

Ya zola zonza ti bantu ke lenda ve “kutwadisa [bitambi] ya bawu mosi.” Ba mikanu ya yimbi yina ba ke baka ke sala ti bantangu kuma ngolo mpe bamaza yuma.

• Bantu mingi ya mayela ke ndimá ti, ni bamambu yina bantu ke salá me nata bantangu ya ngolo. Ni yawu me sala ti na bisika mingi na yinza bantangu kuma ngolo.

• Ba brusse ke na kufwá, ntoto ke na bebá, mpe ba ke na sadilá na faso ya yimbi bima ya ntoto samu ya ke na bantu yina ke talá kaka bansatu ya bawu mpe ya ke na ba yina ke talá ve bilumbu ya mantwala ntangu ba ke baka mikanu. Na yawu bamambu yayi lenda sala ti bamaza ya nene yina ke na ntoto sika.

Kasi Biblia ke pesá kivuvu.

Ya ke kwandi na kivuvu samu na bilumbu ya mantwala?

Biblia ke zonzá ti Nzambi ke sala ti maza kuma dyaka mingi na ntoto. Wa’ faso yandi ke sala yawu?

1. 1. Nzambi “ke kufwa bayina ke bebisaka yinza [to ntoto].” (Luzabusu 11:18) Yandi ke katula ba yina ke salá ti maza vanda ve na ntoto, bantu ya yimbi, ba yina ke bebisá ntoto samu ba ke talá kaka bansatu ya bawu.—2 Timote 3:1, 2.

2. 2. ‘Ntoto yina me yuma ke kuma kizinga ya maza yina me fuluka.’ (Izaya 35:1, 6, 7) Nzambi ke katula bampasi yina bantangu ya ngolo me nata mpe yandi ke sala ti ntoto kuma paradiso mpe maza kuma mingi.

3. 3. “Nge ke kipeke ntoto, nge ke salaka ti yawu buta mingi mpe ti yawu kuma na kimvwama mingi.” (Nkunga 65:9) Na lusakumunu ya Nzambi ntoto ke buta madya mingi mpe ya ke vanda na maza ya kitoko samu na bantu nyonso.