SIRONGWA 11

Uyunga noupampi

Varoma 12:11

EYI NO RUGANA: Korangeda vantu va rugane ko yuma pokuuyunga noupampi.

Hafera sirongwa soge. Nsene kwa ku liwapaikira ruha oru no ka gava, gazara ko momunene eyi mbudi zoge zina karere nomulyo. Diva nawa mbudi ezi no ka gava yipo o ka zi uyunge nawa-nawa.
Gazara ko vantu ava no ka ronga. Gazara ko unene omu mbudi ezi no ka ronga nazi ka vatera vantu. Gazara ko hena nonkedi omu no ka gava mbudi zoge yipo vantu va ka kwate egano omu nava zi limburukwa.
Gava mbudi zoge monkedi zokunyanyuka. Uyunga noupampi. Sipara nomawoko norutu roge, ya hepa kulikida malizuvho goge kweyi ono kuuyunga.

Nyokera po kuruguruka eligumaguro limwe tupu lyorutu, eyi kuseta vantu ava vana kupurakena. Eligumaguro lyoge lyorutu li lize neyi ono kuuyunga. Ruganesa eligumaguro unene po nsene kuna kutumbura yitwa yomulyo ntani kuna kukorangeda vantu va rugane ko yuma. Vapurakeni kuroroka nsene o ruganesa unene maligumaguro gorutu siruwo nasinye esi ono kuuyunga.