SIRONGWA 15

Uyunga netumangedo

1 Vatesaronika 1:5

EYI NO RUGANA: Yilikida asi wa pura eyi ono kuuyunga asi usili ntani ayo mulyo unene.

Liwapaikira nawa. Liwapaikira nawa yipo o dive magano gomulyo ntani omu Bibeli za ga kwatesa ko. Faturura magano gomulyo mononkango doureru ntani dononsesu. Demenena omu magano ogo naga vatera vantu. Hundira mpepo zokupongoka.

Liyomberesa kuziguruka yipo o dive nawa mbudi zoge ntani nokuwapukurura omu no ka zi gava.
Ruganesa nonkango dokutumangeda. Mevango lyokutemwinina nonkango moomu dina kara mosimbapiratjangwa setu, ruganesa nonkango danyamoge. Nkedi zoge zokuuyunga zi likide asi ono diva nawa eyi ono kuuyunga.
Uyunga nombili nye nomukumo. Uyunga nezwi lyokugwanena po. Tara vantu ono kuronga momeho, nsene kapi nayi va handukisa.

Nsene to uyunga netumangedo wa ha moneka asi kuna kupangera vantu ndi asi kuna kuvasininika magano goge. Nampili tuna diva sirongwa setu ntani kwa kuuyunga nemanguruko, simpe twa hepa kuuyunga neharo.