Wantete wa Petelo
2 Dianu vo, nuyambula e mbi yawonso,+ yo luvunu lwawonso, yo umpuki* ye kimpala yo makumbu mawonso. 2 Nze nsedia,+ nuzolanga e kimvumina kia diambu dia Nzambi, kina ke kiasangwa lekwa ko* kimana nuanungunuka yamuna luvuluzu,+ 3 kadi nuzeye wo vo o Mfumu nkwa ngemba.
4 O wantu babembwele tadi diamoyo,+ kansi Nzambi osolele dio, obadikilanga dio vo diantalu.+ Wau nufinamene dio, 5 oyeno mpe, nu matadi mamoyo, nutungilwanga e nzo ya kimwanda,+ nuakala nganga zavauka, kimana nuatambika yimenga ya mwanda,+ tutondakana kwa Nzambi muna Yesu Kristu.+ 6 Kadi e Sono kivovanga vo: “Tala! Nsidi muna Zione e tadi diasolwa, e tadi diantalu dia konko dia nkubilwa, konso ona osonga lukwikilu muna tadi ke fusulwiswa nkutu nsoni ko.”+
7 Dianu vo, kuna kwa yeno wantalu kikilu, kadi nu minkwikizi; kansi kw’awana ke bekwikilanga ko, “e tadi dina diabembolwa kw’atungi+ i diau diakituka se mbut’a tadi dia konko”*+ 8 ye “tadi dia tela sakuba ye tadi dia nlelo.”+ Betanga sakuba kadi ke belemvokelanga diambu ko. Eyayi i mbaninu ikubavingilanga. 9 Vo i yeno “nu kanda diasolwa, kinganga kia kintinu, nu zula kiavauka,+ nu nkangu wakivuila wa Nzambi,+ kimana nuasamuna mwawonso mana mansongi”*+ ma Ndiona wanukatula muna tombe, nuiza muna ntemo andi wasivi.+ 10 Kadi muna ntangwa yavioka, oyeno ke nuakala nkangu ko, kansi owau nu nkangu a Nzambi;+ ke nuafwilwa nkenda ko, kansi owau nufwidilu e nkenda.+
11 Azolwa, inukasakese nze anzenza ye minduti a nzila,+ nuyikenga muna zolela ya nitu,+ ina ikununuanisanga e vita.+ 12 Nuakala e nkal’ambote vana vena o wantu a nza,+ kimana vava bekunutumba nze mimpanga mambi, muna mavangu meno mambote bemonanga,+ bakembelela Nzambi muna lumbu kia nkingul’andi.
13 Muna kuma kia Mfumu, nusakalela nkubika zawonso za wantu,+ kana ntinu+ wau kasundidi e wisa 14 yovo anguvulu wau betumwanga kwa yandi muna tumba mimpanga mambi yo sanisina mimpanga mawete.+ 15 Kadi i luzolo lwa Nzambi vo wau nuvanganga o wete nuasukisa e moko ya uzowa ya minkondwa ngangu.+ 16 Nukala se nkangu wavevoka,+ ke nusadila luvevoko lweno ko nze fukwa* muna vangila mambu mambi,+ kansi nze ntaudi za Nzambi.+ 17 Nuzitisanga wantu a mpila zawonso,+ nuzolanga kintwadi kia wana-ngudi awonso,*+ nuvumina Nzambi,+ nuzitisa o ntinu.+
18 Yambula aselo basakalela e mfumu zau kuna vumi wawonso,+ ke zina zambote kaka ko ye za ntim’anleka, kansi ye zina za ntima mia mbâdi mpe. 19 Kadi, avo muntu muna diambu dia ntona zandi muna Nzambi ozizidilanga e mpasi yo bangikwa kondwa kuma, ediadi dialuyangalalu.+ 20 Nkia mfunu dina avo nuzizidila e mpasi za wandwa mu kuma kia diambu diambi nuvangidi?+ Kansi avo numweswa e mpasi wau nuvanganga mawete yo zizidila zo, ediadi dia luyangalalu kwa Nzambi.+
21 Kieleka, ekiaki i kuma nuabokelelwa, e kuma kadi o Kristu nkutu wanumwena e mpasi,+ wanusisila mbandu kimana nualanda ntambi zandi una ufwene.+ 22 Kasumuka ko,+ ngatu soloka luvunu muna nu’andi.+ 23 Vava kalevolwanga+ kavutula malevo ko.+ Vava kamweswanga e mpasi,+ kavumisa ko, kansi wabunda e vuvu kiandi kwa Ndiona ofundisilanga+ muna unsongi. 24 Yandi kibeni wanata masumu meto+ muna nitu andi vana nti,+ kimana oyeto twavevolwa muna masumu, twakala moyo muna unsongi. “Muna mputa zandi nuasasulwilwa.”+ 25 Kadi nuakala nze mameme mavila,+ kansi owau nuvutukidi kwa mvungudi+ ye nkengi a mioyo mieno.