Adieyi Nkand’a Nzambi Uvovanga?

Nani i Nkadi ampemba?

AZEYI I MVUTU ZAKU? O Nkadi ampemba  . . .

• Vangwa kia mwanda?

• I mbi ina muna muntu?

• Mpasi ngindu za wantu?

ADIEYI NKAND’A NZAMBI UVOVANGA?

Nkadi ampemba wamokena yo ‘tonta’ Yesu. (Matai 4:1-4) Ozevo, Nkadi ampemba ke mpasi ngindu za wantu ko. Kansi, vangwa kia mwanda kiambi.

NKIA MAMBU MANKAKA TULENDA LONGOKA MU NKAND’A NZAMBI?

• Kuna lubantiku, Nkadi ampemba mbasi ambote kakala. Kansi, “kasikila muna ludi ko.” (Yoane 8:44) Wakituka se mvuni yo kolamena Nzambi.

• Mbasi zakaka bayikama Satana muna ukolami wandi.—Lusengomono 12:9.

• Nkadi ampemba okuyiswekanga kimana wantu balembi zaya vo yandi muntu kieleka.—2 Korinto 4:4.

Nga Nkadi ampemba olenda yala o wantu?

AKAKA BEVOVANGA VO Nkadi ampemba kalendi yala wantu ko, kansi akaka bekwikilanga vo mianda miambi bena miau. Adieyi obenze?

ADIEYI NKAND’A NZAMBI UVOVANGA?

“Tuzeye wo vo kwa Nzambi tuvuilu, kansi e nza yawonso muna wisa kia ndiona wambi ina.” (1 Yoane 5:19) Kana una vo Nkadi ampemba oyalanga e nza yawonso, kalendi yala wantu awonso ko.

NKIA MAMBU MANKAKA TULENDA LONGOKA MU NKAND’A NZAMBI?

• Nkadi ampemba osadilanga luvunu muna vukumuna wantu.—2 Korinto 11:14.

• E vangwa yambi ya mwanda ilenda yala wantu.—Matai 12:22.

• Muna lusadisu lwa Nzambi, olenda sia Nkadi ampemba “kitantu.”—Yakobo 4:7.