“E Diambu Diavovoka Muna Ntangwa Ifwene”
1 Nga diampasi kwa ngeye dia kaulwilanga y’akaka e nsangu za moyo? Nga obanzanga vo ofwete vovanga mvovo miambadi muna sivikisa awana bekuwanga? Vav’o Yesu katuma alongoki andi, wabavovesa vo: “Wau nukwendanga, nulonga vo, E kintinu ki’ezulu [kifinamene, NW].” (Mat. 10:7) Ke miakala nsangu miabala ko, kansi miasazu muna kaulwila. Ke diaswaswana ko yamu unu mpe.
2 Mvovo miakete kaka mivwilu o mfunu muna yantika e moko. Vav’o Filipo kawanana yo nzimba Ntiopia wanyuvula: “Ng’ozeye momo otangidi e?” (Mav. 8:30) Nkia moko kia nsendo kiatuka mu “diambu diavovoka muna ntangw[a] ifwene”!—Nga. 25:11.
3 Olenda sadila e nkotelo ya moko nze i yayi muna sila umbangi. Nkia mpila? Muna tungununanga yo vava mvovo mifwanakene kwa muntu. Vanga e kiuvu, i bosi wunikina e mvutu.
4 Eyaka Yuvu: Muna yantika e moko olenda kubika konso yuvu muna yayi:
◼ “Nga osambanga e Sambu kia S’eto koko’zulu muna nsambil’aku?” (Mat. 6:9, 10) Tangumuna e sono kiaki i bosi olenda vova: “Wantu akaka beyuvulanga, ‘Ayeyi i nkumbu a Nzambi kayik’o Yesu vo ifwete zitiswa?’ Akaka beyuvulanga, ‘Nki i Kintinu kavov’o Yesu vo tufwete sambanga?’ Nga wasolwele kala e mvutu za kieleka za yuvu yayi?”
◼ “Nga wakiyuvula kala: ‘Nki i mfunu a moyo?’” Songa vo mfunu a moyo ina muna zaya Nzambi.—Kim. 12:13; Yoa. 17:3.
◼ “Nga okwikilanga vo o lufwa lufokoka e mvimba?” Tanga Yesaya 25:8 ye Lusengomono 21:4 mu vana e mvutu za ziku.
◼ “Nga vena ye mpila za nzaki za fokolwela e mpasi zawonso omu nza?” O Nzambi olonganga vo “zola nkw’aku.”—Mat. 22:39.
◼ “E ntetembwa zezulu nga zilenda twasa e sumbula kifwasa e nza eto?” Yika vo o Nkand’a Nzambi usianga nsilu vo e nza isikila yakwele mvu.—Nku. 104:5.
5 Samuna nsangu zambote mu mvovo mialembi bala, miakiá, ye muna ngemba. O Yave osambula e ngolo ovanganga muna kaulwila “e diambu” dia ludi kwa akaka.