Nga Ozeye Nzengo Olenda Baka?
Muna tupitalu twa nz’amvimba, ulolo wa wantu bezolanga wukwa lembi siwa menga. Ng’ozeye zaka mpila za wuka zilembi sadilanga menga? Diambote mu zaya zo kimana wabaka nzengo zambote mu kuma kia mawuku ye lupasu. Tala e vídeo Sem Sangue—A Medicina Encarou o Desafio. I bosi samba yo fimpulula dina olongokele muna mvutu za yuvu ina va yanda.—Tala lulukisu lwalu: Wau vo e vídeo mambu ma lupasu isonganga, amase bafwete kala ye ndekwa vava betala yo ye wan’au.
(1) Nkia kuma kiasikila Mbangi za Yave ke bezolelanga vutulwa menga ko? (2) Mbangi za Yave adieyi bevavanga vava bekwendanga kwa madotolo? (3) O mbevo nkia nswa kena wau? (4) Ekuma dinina diangangu mu sola e nguka zilembi sadilanga menga? (5) Kele vo muntu menga mayingi kavayikidi, nkia mambu mole balenda vanga madotolo? (6) Azeyi i mpila yá za wuka zilembi sadilanga menga? (7) Madotolo, adieyi balenda vanga (a) mu lembi vidisa menga mayingi vava bevanganga lupasu? (b) mu lembi fwasa e ngengele zambwaki? (c) mu sadisa e nitu a muntu yayima menga? (d) mu vutukila menga mavididi? (8) Yika dina divangamanga (a) vava menga mekatulwanga mu nitu a muntu yo lundwa mu fikolo muna masini (processo de hemodiluição)? (b) recuperação intra-operatória de células. (9) Adieyi ofwete vava zaya mu kuma kia nlongo miakaka mivutulwisanga menga? (10) Nga dilendakana mu vanga lupasu lwampwena lwa kimbevo kiampimpita lembi sadila menga? (11) Aweyi madotolo mayingi mu nza se beyindulwilanga e diambu dia nguka yayi?
O tonda yovo lembi tonda e mpila za nguka zisongelo mu vídeo, i nzengo za muntu yandi kibeni una ye ntona zalongwa kwa Nkand’a Nzambi. Nga oyindwidi kala e mpila za nguka zakondwa menga ozolele sadila kumosi yo wan’aku? Nga wasonekene kala e kalati kiaku kia DPA? Muna zaya maka mambu mu kuma kia diambu diadi, tala e ntu a diambu, “Yuvu Y’atangi” una mun’Eyingidilu dia 15 dia ngonde a Yuni 2004 y’Eyingidilu dia 15 dia ngonde ya Oktoba 2000 mu Kimputu ye nkundikilu ya Salu Kieto kia Kintinu kia ngonde ya Novemba ya mvu a 2006, ina yo ntu a diambu vo “Aweyi Mfwete Badikila Ngengele za Menga ye Fu kia Sadila Menga Mame mu Wukisa Kimbevo?” Malongi mama malenda kusadisa mu baka e nzengo za mawuku olenda tonda yovo lembi tonda. Kala ye ziku vo, otomene kiesesa e nzengo zaku muna kalati kia DPA. Ndiona una vo Mbangi a Yave kafwete zayisa e nzengo kabakidi kwa yitu yandi bena vo ke Mbangi za Yave ko mu zitisa e nzengo zandi y’ekuma kabakidi zo.
[Babu kina muna lukaya lwa 3]
• Nga ozeye e nzengo olenda baka mu kuma kia mpila mawuku otonda sadila kumosi ye wan’aku?
• Nga okangalanga ye kalati kiaku kia DPA mu kuma kia diambu diakinsalukisa dilenda kubwila?