Nga Wakubama mu Wukisa Kimbevo kia Kinsalukisa?
Tulenda bakama kimbevo kuna kinsalukisa. (Yak. 4:14) Muna kuma kiaki, o nlungaladi wakubama kekalanga. (Nga. 22:3) Nga wabakidi kala e nzengo yo soneka e mpila za mawuku ye nlongo mina olenda tonda? Muna kusadisa mu vanga wo, e vídeo Tratamentos Alternativos à Transfusão: Atendendo às Necessidades e aos Direitos do Paciente, mu DVD yayi muna ye ntu a diambu, Alternativas à Transfusão— Série de Documentários. Tala e vídeo yayi, i bosi vana e mvutu za yuvu ina ova yanda. Wau vo e vídeo yayi isonganga madotolo bepasulanga wantu, mase bafwete zaya kana vo betala yo kumosi yo wan’akete yovo ve.
(1) Ekuma madotolo makaka befimpululang’e diambu dia sadila menga? (2) Yika nona tatu ya lupasu lwampimpita lwavangwa kondwa menga. (3) Madotolo kwa mu nz’amvimba besonganga luzolo lwa wuka mbevo lembi sadila menga? (4) Lufimpu lwavangama muna tupitalu adieyi lusonganga mu kuma kia sadila menga? (5) Nkia vonza kina mu sadila menga mu wuka yimbevo? (6) Nkia diambu bavova madotolo mana mabakula e nluta mia lembi sadila e menga? (7) Nki kitwasanga kimbevo kia kondwa menga (Anemia)? Adieyi dilenda vangwa muna sasula kimbevo kia kondwa menga? (8) Adieyi dilenda sadisa e nitu a mbevo yawuta diaka e menga? (9) Nkia ndekwa zisadilwanga mu lembi vidisa menga mayingi mu ntangwa lupasu? (10) Nga mpila zakaka za wuka kondwa menga zilenda sadilwa mu wuka yingyana-ngyana yovo mbevo zakaka bena mu vonza? (11) Nkia nkanikinu wamfunu usonganga e mpila yambote ya wuka?
Wau vo o tonda yovo lembi tonda e mpila za nguka zisongelo mu video yayi i nzengo za muntu yandi kibeni, kuvingila ko yavana obakama kimbevo kuna kinsalukisa i bosi ovava zaya e mpila mawuku ye nlongo mina otonda yovo lembi tonda. Muna zaya maka mambu mu kuma kia diambu dia menga, toma tanga Kapu kia 7 kia nkanda “Zola kwa Nzambi” ye nkudikilwa ya Salu Kieto kia Kintinu kia Novemba 2006, muna ye mambu malenda kusadisa mu baka e nzengo muna mana walongoka. I bosi soneka e kalati kiaku kia DPA kiavewa kwa ateleki avubwa, natanga e kalati kiaki konso fulu wina.
[Mvovo mia Sina muna lukaya lwa 3]
Nga wabakidi kala e nzengo yo soneka e mpila za mawuku ye nlongo mina olenda tonda?