Забур

51 Оо, Кудай, туруктуу сүйүүңдөн улам мага ырайым кыла көр,+

Улуу ырайымың менен күнөөлөрүмдү кечире көр.+

 2 Айыбымды тазарта жуу,+

Мени күнөөмдөн тазала.+

 3 Анткени кылган күнөөлөрүмдү жакшы билем,

Күнөөм ар дайым оюмда турат.+

 4 Мен сага, баарынан мурда сага каршы күнөө кылдым,+

Сен жаман көргөн ишке бардым,+

Ошон үчүн сенин айткандарың* туура,

Чыгарган өкүмүң акыйкат.+

 5 Мен күнөөкөр болуп төрөлгөм,

Энемдин боюна бүткөндөн тартып эле күнөөкөрмүн.+

 6 Сен адамдын жүрөгүндөгү чынчылдыкты көргөндө кубанасың,+

Мени үйрөтө көр, жүрөгүмө чыныгы акылмандык уяласын.

 7 Таза болушум үчүн, күнөөмөн иссоп өсүмдүгү менен тазала,+

Кардан ак болушум үчүн, мени жууп-тазала.+

 8 Кайрадан кубанып-шаттанайынчы,

Сөөктөрүмдү талкаласаң да, сүйүнөйүнчү.+

 9 Күнөөлөрүмдөн жүзүңдү бура көр,+

Айыбымдын баарын өчүрө көр.+

10 Оо, Кудайым, мага таза жүрөк бере көр,+

Оюмду өзгөртө көр,+ сага берилгендик сактагандай болоюн.

11 Менден жүзүңдү бурба,

Ыйык рухуңду* ала көрбө.

12 Мени куткарып, кайрадан сүйүнтө көр,+

Сага баш ийгенге дилгир кыла көр.

13 Мен мыйзам бузгандарга көз карашыңды* үйрөтөм,+

Ошондо күнөөкөрлөр сага кайтып келет.

14 Оо, Кудай, куткаруучу Кудайым,+ кан төккөн мени күнөөмдөн арылта көр,+

Ошондо адилдигиңди кубанып жар салам.+

15 Оо, Жахаба, мени сүйлөй алгыдай кыла көр,

Сени даңктап-мактайын.+

16 Анткени сен курмандыкты каалабайсың, болбосо курмандык чалмакмын,+

Бүтүндөй өрттөлчү курмандыкка кубанбайсың.+

17 Кудайга жаккан курмандык — чын жүрөктөн өкүнүү,

Оо, Кудай, сен чындап өкүнгөн, кайгырган жүрөктү четке какпайсың*.+

18 Ырайым көрсөтүп, Сионго жакшылык кыл,

Иерусалимдин дубалдарын тургуз.

19 Ошондо адил киши чалган курмандыктарга,

Бүтүндөй өрттөлчү курмандыктар менен толук берилчү тартууларга кубанасың.