Даңктоо ыры. Дөөтүнүн ыры.
א [Алеф]
145 Оо, Кудайым, Падышам, сени даңазалайм,+
Ысмыңды түбөлүктөн түбөлүккө даңктайм.+
ב [Бет]
2 Күнү бою сени алкайм;+
Ысмыңды түбөлүктөн түбөлүккө даңктайм.+
ג [Гимел]
3 Жахаба улуу, зор даңкка татыктуу,+
Анын улуулугу акыл жеткис.+
ד [Далет]
4 Бир муун экинчи муунга иштериңди даңазалайт,
Кудуретиңди көрсөткөн иштериң жөнүндө кеп кылат.+
ה [Хе]
5 Алар кудуретиңдин улуулугу жөнүндө айтышат,+
Мен кереметтүү иштериң жөнүндө ой жүгүртөм.
ו [Вав]
6 Алар кастарлоо сезимин туудурган иштериң жөнүндө айтышат.
Мен сенин улуулугуңду жар салам.
ז [Зайин]
7 Алар жакшылыгыңдын молдугун эстегенде, оозунан сөздөрү куюлат,+
Адилдигиң жөнүндө шаттана үн салышат.+
ח [Хет]
8 Жахаба боорукер, ырайымдуу,+
Сабырдуу, сүйүүсү улуу.+
ט [Тет]
9 Жахаба баарына кайрымдуу,+
Анын кайрымдуулугу бүт иштеринен көрүнүп турат.
י [Йод]
10 Оо, Жахаба, бардык иштериң сени даңазалайт,+
Берилген кызматчыларың сени алкайт.+
כ [Каф]
11 Алар падышалыгыңдын даңкын жар салышат,+
Кудуреттүү күчүң жөнүндө айтышат.+
ל [Ламед]
12 Ошентип, башкалар кудуретиңди көрсөткөн иштериңди,+
Падышалыгыңдын улуулугун билишет.+
מ [Мем]
13 Сенин падышалыгың — түбөлүк падышалык,
Сен муундан муунга эгедерлик кыласың.+
ס [Самех]
14 Жахаба жыгылып бараткандардын баарын жөлөп-таяйт,+
Бүк түшкөндөрдүн баарын тургузат.+
ע [Айин]
15 Баары сени үмүт менен карайт;
Аларга тамагын өз убагында бересиң.+
פ [Пе]
16 Колуңду ачып,
Ар бир тирүү жандын каалоосун орундатасың.+
צ [Цаде]
17 Жахаба ар дайым адил иш кылат,+
Бардык иштеринен ишеничтүү экени көрүнүп турат.+
ק [Коф]
18 Жахаба андан тиленгендердин баарына,
Чын жүрөктөн тиленгендердин баарына жакын.+
ר [Реш]
19 Ал андан корккондордун каалоосун аткарат,+
Жардам сурап зарлаганын угат, аларды куткарат.+
ש [Шин]
20 Жахаба аны жакшы көргөндөрдүн баарын коргойт,+
Ал эми ыймансыздардын баарын жок кылат.+
ת [Тав]
21 Жахабанын даңкын жар салам;+
Анын ыйык ысмын ар бир тирүү жан түбөлүктөн түбөлүккө даңктасын.+