Элчилер
5 Анания деген бир киши менен аялы Сафира да жерин сатышты. 2 Бирок ал аялы менен сүйлөшүп алып, түшкөн акчанын бир бөлүгүн катып койду, калганын болсо элчилерге алып барып берди.+ 3 Ошондо Петир ага: «Анания, эмне үчүн Шайтанга азгырылып, Кудайдын ыйык рухуна+ калп айттың?+ Эмнеге жериңдин акчасынын бир бөлүгүн катып койдуң? 4 Ал жер өзүңдүкү эмес беле? Аны сатканда түшкөн акча деле өзүңдүкү эмес беле? Кантип ушундай жаман иш кылууну ойлодуң? Сен адамдарга эмес, Кудайга калп айттың»,— деди. 5 Анын сөздөрүн угары менен Анания жерге кулап, мүрт кетти. Муну уккандардын баарын катуу коркунуч басты. 6 Ошол жердеги жигиттер аны кепиндеп, көмгөнү тышка алып чыгып кетишти.
7 Үч сааттай өткөндөн кийин Ананиянын аялы келди. Ал эмне болгонун биле элек болчу. 8 Петир андан: «Жериңерди ушунчага саттыңар беле?» — деп сурады. Ал: «Ооба, ошончого сатканбыз»,— деп жооп берди. 9 Ошондо Петир ага: «Эмнеге Жахабанын ыйык рухун сынаганы сүйлөшүп алдыңар? Мына, күйөөңдү көмгөндөр босогодо турушат. Азыр сени да алып чыгышат»,— деди. 10 Ошол замат аял анын бут алдына жыгылып, мүрт кетти. Жигиттер ичкери кирип, анын өлүп жатканын көрүштү. Анан аны да тышка алып чыгып, күйөөсүнүн жанына көмүштү. 11 Муну уккандардын бардыгын, Иерусалимдеги шакирттерди да катуу коркунуч басты.
12 Элчилер эл арасында көптөгөн керемет-жышаандарды көрсөтүп жатышты.+ Ошондой эле баары Сулаймандын катар түркүктөрү деп аталган жайда+ чогулуп жүрүштү. 13 Аларга кошулганга эч ким даай алган жок. Анткен менен жалпы элдин арасында алар жөнүндө жакшы кептер айтылып жатты. 14 Андан тышкары, Мырзабызга* ишенген эркек-аялдардын саны көбөйгөндөн көбөйө берди.+ 15 Эл Петир өтүп баратканда кимдир бирөөнө, жок дегенде, көлөкөсү түшсүн деп, оорулууларды төшөнчүсү, замбили менен кошо көтөрүп чыгып, чоң көчөлөргө жаткырып жатышты.+ 16 Ошондой эле Иерусалимдин тегерегиндеги шаарлардан көптөр оорулууларды, жиндер кыйнаган адамдарды көтөрүп келип жатышты. Алардын бардыгы айыгып жатты.
17 Ошондо башкы дин кызматчы менен аны жактаган садукейлердин* баары көрө албастык кылып, 18 элчилерди кармашты да, түрмөгө камап коюшту.+ 19 Бирок түн ичинде Жахабанын периштеси түрмөнүн эшиктерин ачып,+ аларды сыртка чыгарды. 20 Анан: «Ибадатканага барып, элге келечектеги жашоо жөнүндө мындан ары да айта бергиле»,— деди. 21 Бул сөздөрдү уккандан кийин алар эртең менен эрте ибадатканага кирип, элди окута башташты.
Ошол учурда башкы дин кызматчы жана аны менен келген таламдаштары Жогорку сот менен ысрайыл элинин аксакалдар жыйынын чакырышты да, элчилерди алып келиш үчүн түрмөгө сакчыларды жиберишти. 22 Бирок сакчылар түрмөгө барып, аларды таппай коюшту. Анан кайтып келип: 23 «Биз түрмөнүн эшиктери бекем бекитилип, алдында сакчылар турганын көрдүк, бирок ачып кирип, ичинен эч кимди тапкан жокпуз»,— дешти. 24 Муну укканда ибадаткананын күзөт башчысы менен жогорку дин кызматчылар эми эмне болот деп, баштары маң болду. 25 Ошол учурда бир киши келип, аларга: «Силер түрмөгө камап койгон кишилер ибадатканада элди окутуп жатышат»,— деди. 26 Ошондо ибадаткананын күзөт башчысы сакчылар менен барып, аларды алып келишти, бирок күч колдонушкан жок, себеби таш бараңга алып коёт деп элден коркушту.+
27 Ошентип, элчилерди Жогорку соттун залына алып киришти. Башкы дин кызматчы аларды суракка алып: 28 «Биз силерге ал кишинин атынан окутпагыла деп тыюу салбадык беле.+ Силер болсо окууларыңарды бүт Иерусалимге жайылтып, анын өлүмүнө бизди күнөөлүү кылып көрсөткүңөр бар»,+— деди. 29 Ошондо Петир менен башка элчилер: «Биз адамдарга эмес, биринчи кезекте башкаруучубуз Кудайга баш ийишибиз керек.+ 30 Ата-бабаларыбыздын Кудайы силер устунга кадап өлтүргөн Исаны тирилтти.+ 31 Ысрайыл эли өкүнүп, күнөөлөрү кечирилиши үчүн,+ Кудай Исанын зоболосун көтөрүп, өзүнүн оң жагына+ Башчы+ жана Куткаруучу+ кылып отургузду. 32 Буга өзүбүз күбөбүз,+ Кудай өзүнө баш ийгендерге берген ыйык рух да күбө»,+— дешти.
33 Муну укканда тигилер каарданып, элчилерди өлтүрмөкчү болушту. 34 Ошондо Гамалеил+ деген фарисей* Жогорку соттун алдында ордунан туруп, элчилерди бир аз убакытка тышка чыгарып турууну буйруду. Ал элдин баары урматтаган Мыйзам окутуучу болчу. 35 Анан Гамалеил: «Ысрайылдыктар, буларга көргөнү жаткан чараңар жөнүндө жакшылап ойлонуп көргүлө. 36 Мындан бир аз убакыт мурун өзүн улуу адам кылып көрсөтүп, Теда деген бирөө чыккан. Ага 400гө жакын киши кошулган. Бирок аны өлтүрүп кетишкенде, аны ээрчигендердин баары чачырап кеткен. 37 Андан кийин эл каттоо убагында галилеялык Жүйүт деген чыгып, артынан көптөрдү ээрчиткен. Бирок ал да өлүп, жолдоочуларынын баары туш-тушка чачырап кеткен. 38 Ошондуктан силерге айтарым, буларды жайына койгула. Эгер окуусу же кылып жаткан иши адамдардыкы болсо, оңунан чыкпайт. 39 Эгер Кудайдыкы болсо, анда токтото албайсыңар.+ Абайлагыла, Кудайдын өзүнө каршы чыгып калып жүрбөгүлө»,+— деди. 40 Ошондо беркилер анын айтканына көнүштү. Анан элчилерди чакыртышты да, сабаткандан кийин+ Исанын атынан сүйлөгөнгө тыюу салып, коё беришти.
41 Элчилер болсо Исанын ысмы үчүн кордук көрүшкөнүнө сыймыктанып, Жогорку соттон кубанып+ чыгып кетишти. 42 Алар күн сайын элди ибадатканада жана үймө-үй+ кыдырып окутуп, Машаяк Иса жөнүндөгү жакшы кабарды жарыялай беришти.+