Петирдин 2-каты
2 Бирок ысрайыл элинин арасында жалган пайгамбарлар болгондой эле, силердин араңарда да жалган окутуучулар болот.+ Алар ишенимиңерди кыйрата турган секталарды* тымызын жайылтып, өздөрүн сатып алган кожоюндан*+ баш тартып кетишет, ошон үчүн көп өтпөй кыйратылышат. 2 Көптөр алар кылган уятсыз иштерди кылып,+ алардын айынан Кудайдын жолуна* сөз тиет.+ 3 Андан сырткары, алар ач көздүгүнөн улам анткорлоно сүйлөп, силерди керт башынын кызыкчылыгына колдонушат. Бирок аларга мурун эле чыгарылган өкүм+ кечикпей ишке ашат, алар сөзсүз кыйратылат.+
4 Мисалы, Кудай күнөө кылган периштелерди жазасыз калтырбай,+ тартарга* таштап,+ аларга чыгарылган өкүм ишке аша турган убакка чейин коюу караңгылыкка камап, чынжырлап* койгон.+ 5 Ошондой эле байыркы дүйнөнү жазасыз калтырбай,+ ыймансыз адамдарга толгон ошол дүйнөгө Топон суу каптаткан.+ Ал эми адилдиктин кабарчысы болгон Нух+ пайгамбарды жана аны менен кошо дагы 7 кишини сактап калган.+ 6 Андан тышкары, ыймансыздардын келечекте эмне болорун көрсөтүш үчүн, Содом менен Амор шаарларын күлгө айлантып,+ аларга чыгарган өкүмүн ишке ашырган.+ 7 Ал эми ыймансыздардын уятсыз жүрүм-турумунан улам катуу кыйналган адил Лотту куткарып калган.+ 8 Анткени ал адил киши алардын арасында жашап, күн сайын жаман иштерин угуп-көрүп, абдан кыйналган. 9 Демек, Жахаба* өзүнө берилген адамдарды сыноо учурунда кантип куткарышты,+ ыймансыздарды болсо жок кылыш үчүн сот күнүнө чейин кантип сактап турушту билет.+ 10 Айрыкча, дене кумарына жетеленип, башкаларды бузгусу келгендерди+ жана бийлиги барларды жаман көргөндөрдү*+ сот күнүнө чейин кантип сактап турушту билет.
Жанагы жалган окутуучулар — керсейген, өз билгенин кылган адамдар, алар Кудай даңкка бөлөгөндөрдү* жамандагандан коркушпайт. 11 Ал эми периштелер алда канча күч-кубаттуу болушса да, Жахабаны урматтагандыктан ал жалган окутуучуларды кемсинтерлик сөздөрдү айтып айыпташпайт.+ 12 Тигилер болсо сокур сезимге жетеленген, кармалып өлтүрүлүш үчүн туулган аң-сезими жок жаныбарлар сыяктуу. Өздөрү билбеген нерселер жөнүндө жаман сөздөрдү айтышат.+ Өлүмгө алып барчу жолдо бараткандыктан акыры жок болушат. 13 Ошентип, жаман иштери үчүн жазаланышат.
Алар атүгүл күндүз да денесинин каалоолорун аткарып, жыргалга батканды* рахат көрүшөт.+ Кийимдеги кир, беттеги так сыяктуу андай адамдар силер менен тойлоп жатканда жалган окууларын тараткандан рахат алышат.+ 14 Ойноштук кылганды эңсеп турушат*,+ күнөө кылмайын тура алышпайт, ишеними алсыздарды азгырышат. Жүрөктөрү ач көздүккө толгон*. Алар — каргышка калгандар. 15 Алар түз жолдон чыгып, адашып калышты, Беордун уулу Биламдын жолуна түшүштү.+ Билам жаман иши үчүн сыйлык алууну көксөгөн,+ 16 бирок ошол жаман иши үчүн ашкереленген.+ Тили жок эшеги адамча сүйлөп, ал пайгамбардын акылсыз иш кылышына жол берген эмес.+
17 Алар — соолуган булактар, катуу шамалга айдалган жамгырсыз булуттар. Аларды коюу караңгылык күтүп турат.+ 18 Ооз көптүрө сүйлөшсө да, айткандарынын маани-маңызы жок. Алар жаман жолдо жүргөндөрдөн жаңы эле кутулгандардын дене кумарын ойготуп,+ уятсыз иштерди кылып, кайрадан күнөө кылганга азгырышат.+ 19 Аларга эркиндикти убада кылышканы менен, өздөрү — бузулгандыктын кулдары.+ Анткени ким кимден* жеңилсе, ошого кул болот.+ 20 Эгер Мырзабыз жана Куткаруучубуз Иса Машаяк жөнүндө так билим алгандын аркасында дүйнөнүн ыпылас иштеринен арылгандан кийин,+ кайра эле ошол иштерди жасап, жеңилип жатышса, анда алардын азыркы абалы мурункусунан да жаман.+ 21 Адилдик жолун таанып-билгенден кийин, өздөрүнө берилген ыйык осуяттарды четке кагып койгондон көрө, бул жолду билбей эле коюшканы жакшы болмок.+ 22 Алардын абалы: «Ит кайра барып, кусундусун жейт. Чочкону канча тазалаба, кайра эле балчыкка оонайт»,— деген макалдын калетсиз экенин ырастап турат.+