Olembiwa na Mateyu
7 “Kamuweluzenga athu amo-iwa ira nanyen’ne teto kamuweluziwe. 2 Chifukwa mwemo munaweluzela nyo athu amo-iwa nanyen’ne teto munaza muweluziwa mofwanafwana. Moi vyevyo munapangela nyo athu amo-iwa naaluwene teto kanaza kaupangelani chimozimozi. 3 Nanga chifukwa n’ni unaing’ana nachi lelo lili m’maso mwa balawo, koma lepela ona nachi lelo lili m’maso mwawo? 4 Kapena unamuwandele avi balawo ira, ‘Kaimela ndiuchose nachi m’maso mwawo,’ koma nawen’ne teto m’maso mwawo mwangali nachi? 5 Wachinyengowe! Ambeela chosa nachi lelo lili m’maso mwawo. Wera eno unoza uone pamapama, moi unoza uwande chosa nachi lelo lili m’maso mwa balawo.
6 Kamuva-enga anambwa vyongo vyopatuleya vya Mulungu, kapena vocheda khumba ngale dinyu, chifukwa dinokoza nyingalanyingala ngaledo vanduli viwa tembenuwa noulumani.
7 Pitilizani vepa moi unoza auva-eni. Pitilizani saelasaela moi munoza mufwanye. Pitilizani gogoda moi unoza au-uleleni. 8 Chifukwa muthu uliwetene ovepa unowachela, uliwetene osaelasaela unofwanya, moi uliwetene ogogoda unoza a-uleliwe. 9 Kodi ngu mbaani wa nyo unoyo mwanae unamuvepe mkate liye muva-a libwe? 10 Kapena angamuvepile somba, kodi unokoza muva-a nyowa? 11 Eno ngakale ira nyo muli athu otakala koma munoiziwa va-a a-iminyu mphaso dapama, nanga bwanji Babinyu waudimu? Ndithu, liye unoza apeleke mofunechecha vyongo vyapama wa anayo kanamuvepa.
12 Eno vyongo vyetene vyevyo munafuna nyo ira athu amo-iwa kaupangeleni, nanyen’ne teto muwapangelenga vyevyo. Vyevi pivyevyo Ilamulo inafunaathu koma teto vyevyo anamaongela kalembileathu.
13 Volowani va mulango ung’onong’ono. Chifukwa sewu koma teto mulango ulukulu unadowa uchiwonongeko moi athu anjinji kanavira vamulango unola. 14 Koma mulango ovolowela wu moyo oomala ngu ung’onong’ono koma teto sewuwa ngopanikiza moi athu anayo kanaufwanya sewula mboyeva.
15 Enjelani na anamaongela onama anayo kanaza wa nyo ngati khosa, koma m’mirimani mwiwa kali ngati mimbulu dauwali. 16 Munoza muwazindikile chifukwa ya vipaso viwa. Kodi athu kanocha mphesa kapena mkuyu vatengo waminga? 17 Mofwanafwana na vyevi, tengo uliwetene wapama unobala vipaso vyapama, koma tengo uliwetene ovunda unobala vipaso vyovunda. 18 Tengo wapama kunabale vipaso vyovunda moi tengo ovunda kunabale vipaso vyapama. 19 Tengo uliwetene unoyo kunabala vipaso vyapama kanoudula noutumeya. 20 Eno athu anayo munoza muwazindikile chifukwa ya vipaso viwa.
21 Kai etene anayo kanandiromola ira, ‘Mbwiyeni, Mbwiyeni,’ anayo kanaze kavolowe mu Umwene waudimu, koma eka unoyo unapanga vyevyo Babanga unafuna liye. 22 Va dambo lelo anjinji kanoza kandiwandele ira: ‘Mbwiyeni, Mbwiyeni, kodi iyo kaniloselile muzina linyu nokumi-a viwanda muzina linyu koma teto panga chito dinjinji dakopolo muzina linyu?’ 23 Koma miyo ndinoza ndiawandele ira: ‘Kandinauiziwani ngakale vang’ono! Venyavoni vamaso vanga, athu oovwela malamulo nyo.’
24 Eno muthu uliwetene unoyo uvwile mawangala koma teto panga vyevyo mawala kanaongaathu, unoza afwanafwane na muthu wazelu, unoyo amangile nyumbae va libwe. 25 Ndiye oorumbwa zongwe wakopolo, moi ma-inje koosefuwela. Vanduli viwa ooza lipevo lakopolo koma nyumbeyo kayagumuwile chifukwa yoi yamangiwe va libwe. 26 Uliwetene unoyo uvwile mawangala koma lepela a-arela unoza afwanafwane na muthu opuusa unoyo amangile nyumbae va michenga. 27 Ndiye oorumbwa zongwe wakopolo moi ma-inje koosefuwela. Vanduli viwa ooza lipevo lakopolo moi nyumbeyo yoogumuwa yetene.”
28 Yesu angamari-ile onga mawu anala, gulu la athu lookuziwa vinjinji moi loodabwa chifukwa ya mwemo afunji-ela liye, 29 chifukwa vyevyo afunji-a liye vyakumela wa Mulungu, ookala ngati vyevyo alembiwa kafunji-aathu.