Vipeleka

Vyevyo Yesu Apangile Liye

VIDIYO: Yesu Oomufunji-a Nikodemo

1. Onelani VIDIYO, kapena welengani Yohani 3:1, 2. Era eno kambiranani mafuso o-arelala:

1. Chin’ni yapangi-ile ira Nikodemo amufwanye Yesu ma-iyu? — Onani teto Yohani 12:42, 43.

2. Kodi Yesu atonyi-edile avi ira ali ofunechacha funji-a athu vevo alolile liye aleda na Nikodemo ma-iyu?

Vyevyo Ninafunjeda Iyo Vaisazo ya Yesu

2. Ninotonyi-eda ira ninowakonda athu naafunji-anga movipeleka ira kakale ofunjeda a Yesu.

Vyevyo Munapangenyo Vomusazi-eda Yesu

3. Mufunjedenga vamalo koma teto thawi yapama wa liye. Mwina unokoza sakula dambo lelo munafunjedenganyo va mulungu kapena thawi ineyo munafunjedenganyo vadambo. Kodi unokoza omeliwana ira mufunjedenganae wewo una-indela liye chito, waniwa kapena umalo amo-i? Ngati pivyowandeya, chenjani vyongo vimo-i na vimo-i ira mufunjedenganae vathawi na malo anayo unakonde liye.

4. Mufunjedenga thawi detene. Ngati muvenyilevo, kamulepele funjedanae. Eselani ndila di:

1. Kodi munokoza funjeda thawi imo-i va mulungu unoyo?

2. Kodi munokoza funjedanae va foni kapena va vidiyo komfelensi?

3. Kodi munokoza muvepa ofalisa m’mo-i ira afunjedenae?

5. Mupempelenga ira muonenga vyongo mofwanelela. Muvepenga Yehova ira autandizeni ira kamufooke vofunjeda na muthuyo ngakale ira thawi dimo-i kanafwanyeya va phuzilo kapena teto unovuteya indi-eda chito vyevyo unafunjeda liye. (Afil. 2:13) Pivyovaela iziweya ira ukaana makalelo anjinji apama. Muvepenga Yehova ira autandizeni ganizela makalelo anayo.