Zabbuli
Eri akubiriza eby’okuyimba. Ya ku “Jjiba Essirifu Eriri Ewala Ennyo.” Zabbuli ya Dawudi. Mikutamu.* Abafirisuuti bwe baamukwatira e Gaasi.+
56 Ai Katonda, nkwatirwa ekisa kubanga abantu bannumba.
Bannwanyisa era bambonyaabonya okuzibya obudde.
2 Abalabe bange bannumba okuzibya obudde;
Bangi abannwanyisa n’amalala.
3 Bwe mba nga ntidde,+ nneesiga ggwe.+
4 Katonda—nnannyini kigambo kye ntendereza—
Gwe nneesiga, era sitya.
Omuntu obuntu ayinza kunkola ki?+
5 Waliwo ebintu bye bakola okuzibya obudde nga bagenderera okunnumya.
Kye balowoozaako kyokka kwe kuntuusaako akabi.+
7 Beesambe olw’ebikolwa byabwe ebibi.
Saanyaawo amawanga mu busungu bwo, Ai Katonda.+
8 Okubundabunda kwange kwonna okumanyi.+
Amaziga gange gakuŋŋaanyize mu nsawo yo ey’eddiba.+
Tegawandiikiddwa mu kitabo kyo?+
9 Abalabe bange balikyusa ne baddayo ku lunaku lwe ndikukoowoola onnyambe.+
Ndi mukakafu nti Katonda ali ku ludda lwange.+
10 Katonda—nnannyini kigambo kye ntendereza—
Yakuwa—nnannyini kigambo kye ntendereza—
11 Katonda gwe nneesiga, era sitya.+
Omuntu obuntu ayinza kunkola ki?+