Vinaire i-yo ira malobelwi-u takalenga apama maningi

1. N’nga Yohova unowandela arumiwee ira tairengan’ni? (Muone thitho iruthiruthi.)

N’NGA ninadhowe wani nafunanga malangi-o thitho limbi-iwa? Nitoidhiwani yowakula ya yofuka yei. Ninooda lobela wa Yohova. Thitho Yohova unoniwandela ira Niirengana vyevyo. Thitho unofuna ira nilobelenga wa liye hora dhothene venango nionge ira “mo-o-iyedhela.” (1 Atez. 5:17) Ninooda lobela wa Yohova mothathuwa thitho mvepa ira anisogolelenga vaikundu iliyothene ya ingumi yi-u. (Sang. 3:5, 6) Voi Yohova ndi Nlungu ova-a modhala mandha, kanoni-elela madile a hora inofuna i-yo lobelanga wa liye.

2. N’nga ninotapanyanin’ni muyofunjedha yei?

² Nionenga ira lobelo njotuva ya pereso yavadhulu. Mbwenye namwasa okalanga opingeya venango vinooda kala vyorucha kaana hora yolobela. Venango ninooda roma ona ira ninofwanela kozeela ira malobelwi-u takalenga ovweya pama. Pyosangalali-a ira malemba anooda nilimbi-a thitho nisogolela vamyasa ninga dhedhi. Muyofunjedha yei, ninoonani mwemo ifwanafwani-o ya Yesu munanikami-edhe aliwa ira nikaengana hora yolobela. Ninoonani thitho vyongo 5 vinaongenga i-yo mumalobelwi-u ira takalenga apama.

YESU ANOOKAANA HORA YOLOBELA

3. N’nga Yesu aidhiwile a-vi vyokuza lobela?

³ Yesu anooidhiwa ira Yohova unoona ira lobela kofuneya maningi. A-anadhe vailambo yavathi, liye anoona Babee awakulanga malobelo aa-iyana naalombwana ororomeleya. Mofwanafwani-a Yesu ali vakundu va Babee vevo vawakula liye malobelo okumela vathi varima a Ana, Davide, Eliya thitho atu enango. (1 Sam. 1:10, 11, 20; 1 Mam. 19:4-6; Sal. 32:5) Pyo-odabwi-a ira Yesu atoowandela anamafunjedhee ira talobelenga vaduzi na vaduzi na inyindelo yoi Yohova unowakula malobelwiwa!—Mat. 7:7-11.

4. N’nga ninofunjedhavon’ni wa Yesu vamwasa olobela?

⁴ Dhela mumalobelwee wa Yohova, Yesu atoovelela ifwanafwani-o yoi anama-arelee tai-arelenga. Vahora yothene ya urumiwee, Yesu anoolobela vaduzi na vaduzi. Liye anoofwanela ira masaka-edho oi alobelenga namwasa oi hora dhinjinji akalecha opingeya thitho rungunuiwa naatu anjinji. (Marku 6:31, 45, 46) Liye anoovenyathi namaebe-i maningi ira akale valimburo lavaekene no lobela. (Marku 1:35) Vahora inango atoolobela ma-iyu othene a-anasakule vyoira vamwasa ofuneya maningi. (Luka 6:12, 13) Thitho va dambolee lomari-a atoolobela moweli-edha weli-edha vothuulela ikundu yomari-a ya urumiwee wava ilamboi wenuo wali orucha maningi.—Mat. 26:39, 42, 44.

5. N’nga ninamsazi-edhe a-vi Yesu nalobelanga?

⁵ Ifwanafwani-o ya Yesu inonifunji-a ira masiki nikale opingeya moi a-vi, ninofwanela kaangana hora yolobela. Molandana na Yesu, venango i-yo thitho ninooda funeela venyathi namaebe-i maningi venango gona modembuwa naifunelo yoi nikaengana hora yolobela. Nairangana vyevi, ninothonyi-edha ira ninomsimba Yohova voniva-a yotuva yavakundui. Rongola unango dhinalee Lynne unothuulelave moda mwakuzeile liye vafendo yoroma angaidhiwile ngari yoonga vya lobelo. Liye aongile ira: “Ndingaidhiwile ira ndinooda lobela wa Yohova vahora iliyothene, vyatoondikami-a ira ndim’monenga ninga fwanga wava rimani thitho ndafuna ira malobelwanga takalenga apama.” Mo-okaikela ndi mwemo i-yo othene monovwela i-yo. Va-eni dhoweni nitapanyeni makundo 5 ofuneya maningi anofuna i-yo aonganga malobeloni mwi-u.

MAKUNDO 5 OFUNEYA AONGANGA NALOBELANGA

6. Movwelana na lemba la Chivumbuluso 4:10, 11, n’nga Yohova ngofwanelela wachelan’ni?

⁶ Mtitimi-a Yohova. Masopenya ova-a ifunelo aoni rumiwi Yohane, atoona andimuwa 24 dhulu tamlambelanga Yohova. Aliwa tanomtitimi-a Nlungu voidhiwa ira ngofwanelela wachela “kopolo, titimi-o na lemezo.” (Muleri Chivumbuluso 4:10, 11.) Angelo ororomeleya naaliwene tatokaana myasa yoairi-a mtitimi-a nomlemeza Yohova. Aliwa anokala vambo-i dhulu thitho tatofiya vom’mwidhiwa pama maningi. Thitho anoona makalelwee dhela muvyoiravyee. Taonanga moda munoirela Yohova vyongo, vinoairi-a ira tamtitimi-enga.—Yobo 38:4-7.

7. N’nga nimtitimi-enga Yohova vamyasa iivi?

⁷ Na-iyene thitho ninofuna mtitimi-a Yohova dhela mumalobelwi-u noonga vyevyo vinodhiveliwana i-yo thitho simba vyokuza liye. Mwaleringa thitho funjedha Bibilya, mudhilimbi-edhenga ona makalelwee anousangalali-ani maningi. (Yobo 37:23; Aroma 11:33) Mwamala mum’mwandelenga Yohova mwemo munovwela nyo namwasa wa makalelwee. Nimtitimi-enga Yohova namwasa onikami-a i-yo, abali naarongoli-u. Hora dhothene liye unonisamalela nonivunela.—1 Sam. 1:27; 2:1, 2.

8. N’nga inango mwa myasa inoniiri-a msimba Yohova tiivi? (1 Atezalonika 5:18)

⁸ Msimba Yohova. Nitokaana myasa injinji inoniiri-a msimba Yohova dhela mumalobelwi-u. (Muleri 1 Atezalonika 5:18.) Ninooda msimba Yohova namwasa wa vyongo vyapama vina i-yo thitho yotuva iliyothene yapama inokumela wa Yohova. (Yak. 1:17) Mofwanafwani-a, ninooda msimba namwasa wa ilambo yobaleyai na vyongo vinonisangalali-a vyevyo vinoona i-yo mwavyopanduchiwa. Ninooda msimba namwasa oniva-a ingumi, banja, afwi-u na idedi-edho. Thitho ninofuna msimba Yohova namwasa onirumeli-a kala osangalala na uxamwali wa pereso yavadhulu una i-yo na liye.

9. Mwasiwa ngwan’ni ninofwanela dhilimbi-edha ira nimsimbenga Yohova?

⁹ Ninofwanela dhilimbi-edha maningi ira nithuulelenga myasa dhedho dhinoniiri-a ira nimsimbenga Yohova. Atu anjinji amuilamboi mbo-osimba. Hora dhinjinji anothuulela vinofuna aliwa baa-i a-kala vinaire aliwa ira tathonyi-edhe simba vile vina aliwa. Natukulelanga mathuulelo enala vyo-arelavovyee pyoi malobelwi-u anooda kalanga ovepa baa-i. Ira vyevi vya-aniireele ninofwanela dhilimbi-edha kaana rima osimba vyongo vyothene vinoniirela Yohova.—Luka 6:45.

10. N’nga simba wamkami-idhe a-vi rongola unango vilela nyarwa? (Muone thitho iruthiruthi.)

¹⁰ Kaana rima osimba unonikami-a ira nivilelenga nyarwa. Kathuulelani vyam’mwireele rongola unango dhinalee Kyung-sook vyevyo vyaongiwile mu Nsanja ya Olonda ya 15 wa Janeiro wa 2015. Liye atokaana marenda a khasa wa madhadhuni. Liye aongile ira: “Vyevi vyatoondisukwali-a maningi. Ndaona ira nditotatila yongo iliyothene thitho ndanoova maningi.” N’nga chini yamkami-idhe maningi rongolula vilela nyarwa? Liye aongile ira: “Namaulo aliothene a-anagone anoodhowa va limburo lowaredhela vadhulu va nyumbee, thitho anoolobela mokumi-a madhu noonga vyongo vithanu vyasimba liye va dambo lelo. Vyevi vyatomkami-a maningi ira a-avikumbanyedhenga thitho vyatomlimbi-a ira amdhiveliwengana maningi Yohova. Atoona mwemo Yohova munokami-edha liye arumiwee ororomeleya tagumanangana vyowesedha thitho atoozindiyela ira ninokaana maraeli-o manjinji kwaranya nyarwa dhinogumanana i-yo. Molandana na rongola Kyung-sook, nitokaana myasa injinji yomsimbela Yohova masiki nigumanengana nyarwa. Msimba Yohova dhela mumalobelwi-u, unooda nikami-a ira nivilelenga thitho dhowanave kala osangalala.

11. N’nga Yesu angawelele dhulu, mwasiwa ngwan’ni anama-arelee tanoofwanela kala olimba rima?

¹¹ Mvepa Yohova ira anikami-enga laleela molimba rima. A-anawelele dhulu, Yesu atoathuucha anama-arelee ira tanofwanela irela umboni vya liye “Muyerusalemu, Yudeya othene na Samariya, fiyedha magomelo ailambo yothene yavathi.” (Mayir. 1:8; Luka 24:46-48) Va-anavire hora indendai, anamasogolela au Yuda tatom-inda rumiwi Pedru na Yohane noadhowana wu tiribunale nlukulu la Ayuda thitho tatoawandela ira ta-iye laleela noatucha. (Mayir. 4:18, 21) N’nga chini yairile Pedru na Yohane?

12. Movwelana na lemba la Mayirelo 4:29, 31, n’nga anamafunjedha tairilen’ni?

¹² Voawakula anamasogolela au Yuda enao taatuchile, Pedru na Yohane taongile ira: “Tongani mwekene akala pyofwanelela vamethoni va Nlungu uvwelani nyo kwaranya Nlungu. Mbwenye i-yo kanino-iyachi onga vyongo vioni i-yo thitho vivwa.” (Mayir. 4:19, 20) Pedru na Yohone tangathathuliwile anamafunjedha tatoolobela wa Yohova mogweli-a madhu ira aakami-e kwakwaneli-edha ifunelo yiwa. Aliwa tatoolobela ira: “Rumeli-ani adhaarinyu ira talaleele Madhwinyu molimba rima.” Yohova atoowakula malobelo okumela vathi varimala.—Muleri Mayirelo 4:29, 31.

13. N’nga ninofunjedhavon’ni vaifwanafwani-o ya bali Jin-hyuk?

¹³ Ninooda asazi-edhela akala andimuwa andimuwa aanamatonga tatokondi-a basa li-u lolaleela. Kathuulelani ifwanafwani-o ya bali Jin-hyuk, wenuo amangiwile namwasa okonda volowela unyakondo. Angali perezoni atoova-iwa basa loi asamalelenga anyaperezo enango enao tali perezo yiwene. Mbwenye kaarumeli-iwa ira atapanyenga naaliwa myasa dhinango thangani-avo myasa ya Bibilyani. Liye atoolobela wa Yohova ira amkami-e kala olimba rima thitho ira amkami-e fwanya ndhila yowandelela atu enango imbarimbari va ngari iliyothene inakaena liye. (Mayir. 5:29) Liye aongile ira: “Yohova atoowakula malobelwanga vondikami-a kala olimba rima thitho ndiva-a zelu ira ndikaena anamafunjedha Bibilya anjinji, enao airi-a miyo 5 minutu va perezo iliyothene. E-no, nama-iyu ndanoolemba makarta nova-a anyaperezo afwanga va dambo lo-arela.” Molandana na bali Jin-hyuk, i-yo thitho ninooda mvepa Yohova ira anikami-e kala olimba rima thitho niva-a zelu nororomelanga ira unonikami-a ira nikwakwaneli-edhe urumiwi-u.

14. N’nga chini inanikami-e nagumanangana nyarwa? (Salimo 37:3, 5)

¹⁴ Mvepa Yohova ira anikami-e vilela nyarwa. Anjinji a i-yo ninogumanana nyarwa dhokuza manungwi-u, mathuulelo odaweya, wukwa waatu anoadhiveliwana i-yo, nyarwa dha banjani, oni-iwa nyarwa venango nyarwa dhinango. Thitho vyongo ninga sau na kondo vitoiri-a ira vikale vyorucha maningi limbanana nyarwadhi. Mulobelenga wa Yohova kumela vathi varima. Mum’mwandelemo vinoireya vaingumi yinyu ninga mule munoirela nyo na fwinyu wavarimani. Muroromelenga ira Yohova “unodha iravo yongo.”—Muleri Salimo 37:3, 5.

15. N’nga lobelo linanikami-e a-vi “vilela nyarwa”? Muonge ifwanafwani-o.

¹⁵ Limbi-edha lobela unooda nikami-a “vilela nyarwa.” (Aroma 12:12) Yohova unoidhiwa vyongo vyothene vinoireela arumiwee thitho unovwa “kuwa wiwa ovepa kami-iwa.” (Sal. 145:18, 19) Painiya unango wa vyawa 29 dhinalee Kristie atoona ira vyevi pyaimbarimbari. Mo-odedi-edhela atoroma bulela marenda malukulu. Vyevi vyatomsukwali-a maningi. Thitho atoovwa ira m’mee atoofwanyiwana marenda oopi-a. Kristie aongile ira: “Ndanoolobela wa Yohova kumela vathi varima ira andiva-e kopolo dhooda vilela dambo nlilothene thitho hora dhothene ndanoodhilimbi-edha irana vyongo vyokuza lambela ninga fwanyeya vamigumanoni thitho funjedha wava ndekene.” Atoowenjedhela onga ira: “Lobelo latoondikami-a maningi vahora yorucha. Ndatoidhiwa ira hora dhothene Yohova uli na miyo thitho vyevi vyatoodidili-a maningi rimanga. Angalive ira nyarwa dhokuza manungwanga kadhamanle vahora yeniyo, Yohova atoowakula malobelwanga vondiva-a rendele wa rimani.” Kanidiwalenga ira “Yohova unoidhiwa vulumucha atu odhivelela wa liye takala vanyarwani.”—2 Pe. 2:9.

16. Mwasiwa ngwan’ni ninofwanela kami-iwa na Yohova ira nilimbanena vyowesedha?

¹⁶ Mvepa Yohova ira anikami-e limbanana vyowesedha. Voi kanili atu olongomana, hora dhinjinji ninolimbanana rima ofuna ira vyongo vyothakala. Satana unodhilimbi-edha irana vyongo vilivyothene vinaode liye voniiri-a ira nirucheyenga irana vyongo vyofwanelela. Ndhila imbo-i inoirela liye vyevi kudodomi-a mathuulelwi-u vo-indi-edha basa vyosangalali-a vyothakala. Moi e-no ninoroma thuulela vyongo vyothakala vinaniiri-e ira na-akale olongoma vamethoni va Yohova thitho niire yodawa ilukulu.—Marku 7:21-23; Yak. 1:14, 15.

17. N’nga namvepanga Yohova ira anikami-e, ninaire a-vi vyongo movwelana na vivepile i-yovyo? (Muone thitho iruthiruthi.)

¹⁷ Ninofwanela kami-iwa na Yohova ira niode limbanana mathuulelo ofuna irana vyongo vyothakala. Mulobelolee laifwananafwani-o, Yesu atoongamo makundo oi: “Kamunivoloche muvyowesedha mbwenye muniombole mandhani mwaothakaluo.” (Mat. 6:13) Yohova unofuna nikami-a, mbwenye ninofwanela mvepa ira anikami-e. Thitho ninofwanelela irangana vyongo movwelana na malobelwi-u. Ninofwanela thitho iranga vyongo vinanikami-e rambela mathulelo amakundo othakala enao ali ovweya muilambo ya Satanila. (Sal. 97:10) Leri no funjedha Bibilya unooda nikami-a ira nithuulelenga vyongo vyapama. Dhowa migumanoni thitho laba basa lolaleela unooda nikami-a thitho vunela mathuulelwi-u. Naira e-no Yohova unonilanyedha ira kanarumeli-e ira niwesedhiwe fiyedha vevo va-anaode i-yo vilela.—1 Akor. 10:12, 13.

18. N’nga vamwasa wa lobelo, i-yo othene ninofuneela iran’ni?

¹⁸ I-yo othene ninofwanela lobelanga maningi kwaranya wale ira nikaleve ororomeleya malambo omari-ala. Dambo nlilothene mukaengana hora yoi mulobelenga kumela vathi varima. Yohova unofuna ira nim’mwadelanga vili rimani mwi-u nalobelanga. (Sal. 62:8) Mumtitimi-enga Yohova thitho mumsimbenga namwasa wa vyongo vyothene vinoira liye. Mumvepenga ira aukami-eni kala olimba rima volaleela. Mumvepenga mosembezela ira aukami-eni limbanana nyarwa iliyothene thitho vyowesedha vilivyothene vinagumanena nyo. Kamurumeli-e ira yongo iliyothene venango mutu uliothene auimwanani-eni lobela wa Yohova hora dhothene. N’nga Yohova unowakula a-vi malobelwi-u? Ninodha tapanyani yofuka yofuneila muyofunjedha yo-arela.