12 Yehova akofungolela yo ndako na ye malamu ya kobomba biloko, elingi koloba likoló, mpo na kopesa mbula na mokili na yo na eleko na yango+ mpe mpo na kopambola mosala nyonso ya lobɔkɔ na yo;+ mpe okodefisa mpenza bikólo mingi, nzokande yo okodefa te.+

23 Mpe akopesa mpenza mbula mpo na momboto na yo oyo ozali kolona na mabele,+ mpe mbuma ya mabele nde mampa, oyo ekokóma mpenza na mafuta mpe ekozala mafutamafuta.+ Na mokolo yango, bibwɛlɛ na yo ekolya na esika monene ya kolya matiti.+

26 Mpe nakokómisa yango ná bisika oyo ezali zingazinga ya ngomba moke na ngai lipamboli,+ mpe nakokitisa mbula makasi na ntango na yango. Ekozala bambula makasi ya lipamboli.+

23 Mpe bino bana ya Siona, bózala na esengo mpe bósepela mpo na Yehova Nzambe na bino;+ mpo akozanga te kopesa bino mbula ya eleko ya otɔnɛ na ndenge oyo ekoki,+ mpe akonɔkisela bino mbula makasi, mbula ya eleko ya otɔnɛ mpe mbula ya eleko ya prɛnta, lokola na ebandeli.+

7 “‘Mpe ngai, naboyaki mpe kopesa bino mbula ya makasi wana etikalaki kaka sanza misato mpo na kokóma na eleko ya kobuka mbuma;+ mpe nanɔkisaki mbula na engumba moko, kasi na engumba mosusu nanɔkisaki yango te. Mbula ezalaki konɔka na eteni moko ya mabele, kasi eteni oyo nazalaki konɔkisa mbula te ezalaki kokauka.+