-
Nzembo 42:maloba ya ebandeli ya loyembo-11Biblia Libongoli ya Mokili ya Sika
-
-
Epai ya mokambi ya nzembo. Maskile mpo na bana ya Kora.+
42 Lokola nyama ebengami bishe oyo ezali na mposa makasi ya mikɛli ya mai,
Molimo na ngai ezali na mposa na yo makasi, Ee Nzambe.+
2 Molimo na ngai ezali mpenza na mposa ya Nzambe,+ ya Nzambe ya bomoi.+
Ntango nini nakoya mpe komonana liboso ya Nzambe?+
3 Mpisoli na ngai ekómi bilei na ngai butu moi,+
Wana bazali koloba na ngai mokolo mobimba ete: “Nzambe na yo azali wapi?”+
4 Nakokanisa makambo oyo, mpe nakosopa molimo na ngai na kati na ngai.+
Mpo namesanaki koleka elongo na ebele ya bato,
Namesanaki kotambola malɛmbɛ liboso na bango mpo na kokende na ndako ya Nzambe,+
Na mongongo ya koganga ya esengo mpe na matɔndi,+
Ya ebele ya bato oyo bazali kosala fɛti.+
5 Ee molimo na ngai, mpo na nini ozangi elikya,+
Mpo na nini ozali kosala yikiyiki na kati na ngai?+
Zelá Nzambe,+
Mpo nakokumisa ye lisusu, azali lobiko monene na ngai.+
6 Ee Nzambe na ngai, na kati na ngai molimo na ngai ezangi elikya.+
Yango wana nazali kokanisa yo,+
Banda na mokili ya Yordani mpe na bansɔngɛ ya Heremone,+
Banda na ngomba moke.+
7 Mai mozindo ezali kobenga mai mozindo
Na lokito ya mai na yo oyo ezali komibwaka.
Mbonge na yo nyonso ya makasi oyo epanzanaka mpe mbonge na yo+—
Eleki likoló na ngai.+
8 Na moi Yehova akopesa motema boboto na ye mitindo,+
Mpe na butu loyembo na ye ekozala elongo na ngai;+
Libondeli ekopesama epai ya Nzambe ya bomoi na ngai.+
9 Nakoloba na Nzambe libanga na ngai+ ete:
“Mpo na nini obosani ngai?+
Mpo na nini nazali kotambola mawamawa mpo na monyoko ya monguna?”+
-
-
Nzembo 45:maloba ya ebandeli ya loyembo-17Biblia Libongoli ya Mokili ya Sika
-
-
Epai ya mokambi ya nzembo ya Bafololo lísi. Ya bana ya Kora. Maskile. Loyembo ya basi ya bolingo.
45 Motema na ngai ekómi koningana mpo na likambo moko ya malamu.+
Nazali koloba ete: “Misala na ngai etali mokonzi moko.”+
Lolemo na ngai ezala ekomeli+ ya mosali-bakopi oyo ayebi mosala malamu.+
2 Ozali mpenza kitoko mingi koleka bana ya bato.+
Mbɛbu na yo ezali kosopa maloba ya elɛngi.+
Yango wana Nzambe apamboli yo mpo na ntango oyo etyami ndelo te.+
3 Ee moto ya nguya,+ kangá mopanga+ na yo na loketo, na ebɛlɔ na yo,
Ná lokumu na yo mpe nkembo na yo.+
4 Mpe na nkembo na yo kende kolonga;+
Matá na mpunda mpo na kobundela solo, komikitisa ná boyengebene,+
Mpe lobɔkɔ na yo ya mobali ekoteya yo makambo ya nsɔmɔ.+
5 Makula na yo epeli makasi, ekokɔta na motema ya banguna ya mokonzi,+
Bato ya bikólo bazali kaka kokwea na nse na yo.+
6 Nzambe azali kiti na yo ya bokonzi mpo na ntango oyo etyami ndelo te, ɛɛ mpo na seko;+
Lingenda ya bokonzi na yo ezali lingenda ya bosembo.+
7 Olingi boyengebene+ mpe oyini makambo ya mabe.+
Yango wana Nzambe, Nzambe na yo,+ atye yo mafuta+ ya esengo+ koleka baninga na yo.+
8 Bilamba na yo nyonso ezali malasi ya mire, nzete ya aloe ná kasia;+
Longwa na ndako monene ya kitoko, ya mpɛmbɛ ya nzoku,+ bibɛtɛlo oyo ya bansinga esepelisi yo.
9 Bana basi+ ya bakonzi bazali na kati ya basi na yo ya bolingo.
Mwasi ya mokonzi+ atɛlɛmi na lobɔkɔ na yo ya mobali, alati wolo ya Ofire.+
10 Yoká, Ee mwana mwasi, mpe talá, mpe sembolá litoi na yo;
Mpe bosaná bato na yo mpe ndako ya tata na yo.+
12 Mwana mwasi ya Tire azali wana mpe na likabo+—
Bato ya bozwi na kati ya bato bakokitisa yo motema.+
13 Mwana mwasi ya mokonzi azali na nkembo mingi na kati ya ndako;+
Bilamba na ye etyami biloko ya wolo.
14 Bakoya na ye epai ya mokonzi na molato oyo elitamá.+
Bangɔndɔ oyo bazali baninga na ye, oyo bazali kolanda ye na nsima, bazali kokɔtisama epai na yo.+
15 Bakoya na bango na nsai mpe na esengo;
Bakokɔta na ndako monene ya mokonzi.
-