20 Na yango, Saulo ná bato nyonso oyo bazalaki elongo na ye babengamaki.+ Bongo bayaki kino na esika ya etumba, mpe talá, mopanga ya moto na moto ebalukelaki moninga na ye;+ mobulungano ezalaki monene mpenza.
23 Mpe bana ya Amone ná Moabe batɛlɛmaki kobunda na bato oyo bafandaka na etúká ya ngombangomba ya Seire+ mpo báboma bango mpe básilisa bango nyɛɛ; mpe ntango kaka basilisaki bato oyo bafandaka na Seire, basalisanaki mpo moto na moto aboma moninga.+
2 “Mpe nakotinda Baezipito bándongwana na Baezipito, mpe bakobunda mpenza moto na moto na ndeko na ye, mpe moto na moto na moninga na ye, engumba ná engumba, bokonzi ná bokonzi.+
21 “‘Mpe na etúká na ngai mobimba ya ngombangomba, nakobenga mopanga mpo na kobundisa ye,’ yango nde liloba ya Yehova Nkolo Mokonzi-Oyo-Aleki-Nyonso.+ ‘Mopanga ya moto na moto ekobalukela ndeko na ye moko.+
13 “Mpe ekosalema boye na mokolo yango ete mobulungano oyo euti na Yehova ekopalangana bipai nyonso na kati na bango;+ mpe bakosimba makasi mpenza, mokomoko lobɔkɔ ya moninga na ye, mpe lobɔkɔ na ye ekotɛmɛla mpenza lobɔkɔ ya moninga na ye.