• Nzembo 123:2
    Biblia Libongoli ya Mokili ya Sika

    •  2 Talá! Ndenge miso ya basaleli etalaka lobɔkɔ ya nkolo na bango,+

      Ndenge miso ya mosaleli ya mwasi etalaka lobɔkɔ ya nkolo na ye ya mwasi,+

      Ndenge wana nde miso na biso etalaka Yehova Nzambe na biso+

      Kino akomonisela biso boboto.+

  • Nzembo 53:maloba ya ebandeli ya loyembo-6
    Biblia Libongoli ya Mokili ya Sika

    • Epai ya mokambi ya nzembo mpo na Mahalate.+ Maskile. Ya Davidi.

      53 Zoba alobi na motema na ye ete:

      “Yehova azali te.”+

      Babebisi makambo mpe basali makambo na ndenge ya bosɔtɔ na kozanga boyengebene;+

      Ata moto moko te azali kosala malamu.+

       2 Kasi uta na likoló, Nzambe azali kotala bana ya bato,+

      Mpo na komona soki ezali na moto oyo azali na mayele ya kososola, moto oyo azali koluka Yehova.+

       3 Bango nyonso bazongi nsima, bango nyonso mpe babebi;+

      Ata moto moko te azali kosala malamu,+

      Ata moko te.

       4 Bato nyonso oyo basalaka makambo oyo eyokisaka mpasi bazwi nde boyebi te,+

      Bazali nde kolya bato na ngai ndenge balyaka limpa?+

      Babeleli kutu Yehova te.+

       5 Kuna batondaki na nsɔmɔ moko monene,+

      Epai nsɔmɔ ezalaki te;+

      Mpo Nzambe ye moko akopalanganisa mpenza mikuwa ya moto nyonso oyo azali kotɛlɛmisa kaa mpo na kotɛmɛla yo.+

      Okoyokisa mpenza bango nsɔni, mpo Yehova ye moko abwaki bango.+

       6 Ee lobiko monene ya Yisraele euta na Siona!+

      Ntango Yehova akozongisa bato na ye oyo bazali bakangami,+

      Tiká Yakobo azala na esengo, tiká Yisraele asepela.+