• Yisaya 9:7
    Biblia Libongoli ya Mokili ya Sika

    • 7 Bonene ya boyangeli na ye+ mpe kimya, kiti ya bokonzi ya Davidi+ mpe bokonzi na ye, ekozala na nsuka te.+ Ekopikama makasi+ mpe ekosimbama na bosembo+ mpe na boyengebene,+ banda sikoyo mpe tii na ntango oyo etyami ndelo te. Molende mpenza ya Yehova ya mampinga nde ekosala yango.+

  • Ezekiele 37:25
    Biblia Libongoli ya Mokili ya Sika

    • 25 Mpe bakofanda mpenza na mokili oyo napesaki mosaleli na ngai, Yakobo, epai bankɔkɔ na bino bafandaki,+ mpe bakofanda mpenza kuna,+ bango ná bana na bango ná bana ya bana na bango mpo na ntango oyo etyami ndelo te,+ mpe Davidi mosaleli na ngai akozala nkumu na bango mpo na ntango oyo etyami ndelo te.+

  • Danyele 7:14
    Biblia Libongoli ya Mokili ya Sika

    • 14 Mpe bapesaki ye boyangeli,+ lokumu+ ná bokonzi,+ mpo bato ya bikólo, bituluku ya bato ya bikólo mpe minɔkɔ nyonso básalela ye.+ Boyangeli na ye ezali boyangeli oyo ekoumela seko, oyo ekoleka te, mpe bokonzi na ye ezali bokonzi oyo ekobebisama te.+

  • Mika 4:7
    Biblia Libongoli ya Mokili ya Sika

    • 7 Mpe oyo azalaki kotɛnguma nakokómisa mpenza ye litiká,+ mpe ye oyo abwakamaki mosika, nakokómisa ye ekólo moko ya makasi;+ mpe Yehova akoyangela mpenza bango na Ngomba Siona, uta sikoyo mpe mpo na ntango oyo etyami ndelo te.+