Makita ya Mosala mpo na Yuli

Pɔsɔ ebandi na 3 Yuli

Loyembo 4

Min. 10: Maloba ya ebandeli, mayebisi mpe Mayebisi ya Mosala na biso ya Bokonzi oyo matali lisangá.

Min. 15: “Tólanda bosepeli oyo elamwisamaki na batrakte Nsango ya Bokonzi No. 34.” Ekosalema na mituna mpe biyano.

Min. 20: “Tósalela malamu babuku ya kala.” Lisoló elongo na bayangani. Yebisá na lisangá babuku ya kala oyo ezali. Lendisá basakoli ete bámizwela yango mpo na mosala ya kosakola. Bilakiseli mibale to misato ya mokuse na kolanda makanisi oyo mapesami. Maloba ya nsuka.

Loyembo 24 mpe libondeli ya nsuka.

Pɔsɔ ebandi na 10 Yuli

Loyembo 25

Min. 12: Maloba ya ebandeli, mayebisi mpe lapolo ya mosolo. Lobelá mwa makanisi ya ntina matali lipesi ya sanza. Lendisá moko na moko ete azala na baekzamplere ya buku wana mpe alakisa yango soki libaku limonani. Yebisá bibongiseli bikamatami mpo na kosakola na wikende.

Min. 15: “Babateli na mpate oyo bazali kolendisa etonga.” Lisukulu likosalema na nkulutu moko, liuti na makambo mazali na nse na moto na likambo moke ya Mosenzeli ya 15 Sɛtɛmbɛ 1993, nkasa 22-23. Monisá polele bamoko na batoli ya Biblia oyo ezali kosalisa na kolonga mikakatano ndenge na ndenge.

Min. 18: “Tózalaka ntango nyonso na mosala mingi.” Ekosalema na mituna mpe biyano. Tuná mituna na basakoli mibale to misato oyo bazali na ebongiseli ya ntango oyo etondi na makambo mingi ya kosala (nkulutu, mama ya libota, mobongisi-nzela, bongo na bongo). Lolenge nini basalaka mpo na kobatela esengo na bango na kozaláká na ebongiseli moko oyo ezali na makambo mingi ya kosala? Maloba ya nsuka.

Loyembo 37 mpe libondeli ya nsuka.

Pɔsɔ ebandi na 17 Yuli

Loyembo 40

Min. 10: Maloba ya ebandeli, mayebisi. Lobelá mwa makanisi mazwami na bazulunalo ya sika oyo makoki kopesa nzela na lisolo. Lendisá moko na moko asangana na mosala ya kosakola na wikende ezali koya.

Min. 18: “Tózala na limemya epai na bazalani na biso.​—⁠Eteni ya liboso.” Ekosalema na mituna mpe biyano. Yebisá likambo oyo ete bankulutu basengeli kosala mpenza na boyokani mpo na kondimisama ete nsamba ya ndako, pompi ya mai, ventilateur mpe makambo matali lotiliki, nyonso ezali malamu.

Min. 17: “Tómonisa ete tozali komibanzabanza mpo na bazalani na biso na kosaláká bozongeli ya sika.” Basakoli misato to minei bazali kosolola na ntina na bozongeli ya sika mpe motuya na yango. Monisá polele ete mokano ezali kobanda boyekoli ya Biblia. Talelá makanisi mapesami. Elakiseli moko to bilakiseli mibale. Basakoli misato to minei bazali kobɛta nsɛtɛ likoló na makanisi malongobani mpe kopesa makanisi likoló na lolenge ya kobongisa mwango to myango misalelami. Maloba ya nsuka.

Loyembo 52 mpe libondeli ya nsuka.

Pɔsɔ ebandi na 24 Yuli

Loyembo 58

Min. 10: Maloba ya ebandeli, mayebisi.

Min. 15: “Boyekoli ya moto na moto: likambo oyo lisengeli kobenda likebi na biso.” Ekosalema na mituna mpe biyano. Kɔtisá mwa makanisi mauti na Mosenzeli ya 1 Yanuali 1986, nkasa 10-14.

Min. 20: Tólakisa buku Bomoi ya seko na Augusto. Yebisá mpo na nini ezali na ntina ete bato báyeba makambo mazali kati na buku wana. (Talá Mosenzeli 1 Novɛmbɛ 1988, nkasa 23-24, paragrafe 17 mpe 18.) Lobelá na mokuse mwa makambo mamonisi ete bato ya motema sembo basepelaki na botángi na yango. (Talá Mosenzeli ta 1 Sɛtɛmbɛ 1989, lokasa 32, mpe oyo ya 1 Desɛmbɛ 1991, lokasa 32.) Pesá mwa makanisi na lolenge ya kobanda boyekoli elongo na bato oyo bamonisaki bosepeli mpe epai na baoyo totikelaki buku Bomoi ya seko. Elakiseli mokuse na mosakoli moko ya makoki: lisolo na lisalisi ya maloba ya mibale mpo na kobanda masolo oyo mazwami kati na mwa buku Lolenge nini okoki kobanda mpe kolandisa masoló likoló na Biblia na nse na motó na likambo moke “Bomoi/Bolamu,” lokasa 4; to mpe, salelá lisolo oyo eyokani na teritware na bino. Sɛngá na bayangani ete bázala na mwa baekzamplere liboso ya kokende kosakola pɔsɔ oyo. Maloba ya nsuka.

Loyembo 61 mpe libondeli ya nsuka.

Pɔsɔ ebandi na 31 Yuli

Bankulutu bakosala ebongiseli na bango moko na kotalela bamposa ya lisangá na bango.