Manaka mpo na likita ya Mosala

Liyebisi: Na eleko ya mayangani ya etúká, Mosala na biso ya Bokonzi ekozala na programɛ ya Likita ya Mosala kaka ndenge ezalaka pɔsɔ na pɔsɔ. Masangá ekoki kobongisa programɛ na bango ya makita na kotalela pɔsɔ oyo bakozala na liyangani ya etúká “Landá Klisto!” Soki ebongi, na Likita ya Mosala oyo bokosala liboso bókende na liyangani, bósalela miniti 15 mpo na kolobela toli ya siplema ya sanza oyo ya Aprili, oyo etali mpenza bino. Sanza moko to mibale nsima ya liyangani, bózwa miniti 15 to 20 na Likita ya Mosala (mbala mosusu na lisolo oyo esengeli kotalela bamposa ya lisangá) mpo na kozongela makanisi ya ntina ya liyangani, oyo basakoli bamonaki ete ekosalisa bango na mosala ya kosakola. Bozongeli yango ekosalema na mokɛngɛli ya mosala ya kosakola. Sɛngá bayangani bálobela ndenge bazali kosalela to bakani kosalela makambo yango na mosala ya kosakola.

Pɔsɔ ebandi na 9 Aprili

Loyembo 201

Min. 10: Mayebisi ya lisangá. Lendisá bayangani nyonso bátala filme (drame) oyo ezali na DVD oyo ezali na motó ya likambo Mituna oyo bilenge batunaka​—Nakosala nini na bomoi na ngai? (na Lifalanse), mpo na kobongisa lisolo oyo ekosalema na Likita ya Mosala na pɔsɔ elandi. Lobelá etanda “Menu principal” (Esika ya kopona makambo ya kotala), mpe limbolá ndenge ya kopona likambo oyo olingi kotala na DVD yango. Soki bozali na DVD yango te, lendisá bayangani bázongela lisolo oyo ezali na motó ya likambo “Timote−‘Mwana na solo kati na kondima’” na Linɔ́ngi ya Mosɛnzɛli ya 15 Sɛtɛmbɛ 1999, nkasa 29-31, mpe bámibongisa mpo na lisolo ya mituna mpe biyano. Salelá makanisi oyo bapesi na lokasa 8 to makanisi mosusu ya kobanda lisolo oyo ebongi na teritware ya lisangá na bino mpo na komonisa ndenge ya kolakisa Linɔ́ngi ya Mosɛnzɛli ya 15 Aprili mpe Lamuká! ya Aprili. Na elakiseli moko, mosakoli akotuna moto motuna moko oyo akopesa eyano na yango ntango akozongela ye.

Min. 15: “Biso nyonso tokoki kopesa mabɔkɔ mpo na kosalisa moto akóma moyekoli ya Klisto.”a Ntango bokotalela paragrafe 4, sɛngá bayangani bálobela ndenge bandeko ya lisangá balendisaki bango liboso bázwa batisimo. Okoki kobongisa liboso mpo ndeko moko to bandeko mibale bálobela yango.

Min. 20: “Biso nyonso tómipesa na kobengisa bato na liyangani ya etúká ‘Landá Klisto!’”b Ntango bokotalela paragrafe 3, sɛngá bayangani bálobela makambo ya kolendisa mpenza oyo bakutanaki na yango ntango bakabolaki nkasa ya kobengisa bato na liyangani ya etúká na mbula eleki, to lobelá makambo oyo ezali na Annuaire 2007, kobanda lokasa 7 tii na motó ya likambo moke na lokasa 10.

Loyembo 43 mpe libondeli ya nsuka.

Pɔsɔ ebandi na 16 Aprili

Loyembo 161

Min. 10: Mayebisi ya lisangá. Lobelá mayebisi oyo etali lisangá oyo ezali na Mayebisi ya Mosala na biso ya Bokonzi.

Min. 15: “Sakolá liloba ya Nzambe kozanga kobanga.”c Soki ngonga ezali, sɛngá bayangani bálobela bavɛrsɛ oyo batii maloba na yango na lisolo te.

Min. 20: “Okosala nini na bomoi na yo?”​—Eteni 1.d Nsima ya kolobela na mokuse paragrafe 1-2, bandá mbala moko kotuna motuna mokomoko oyo ezali na paragrafe 3-4. Ntango bokotalela motuna 4 na paragrafe 3, sɛngá bátánga bavɛrsɛ mibale oyo ezali wana. Mpo na kosukisa, lobelá etanda“Menu principal” (Esika ya kopona makambo ya kotala). Lendisá bayangani nyonso bátala biteni oyo elobi “Interviews” (Mituna-lisolo) mpe “Suppléments” (Makambo mosusu), oyo ezali na DVD yango mpo na kobongisa lisolo ya mituna mpe biyano oyo ekosalema na Likita ya Mosala na pɔsɔ elandi. Soki bozali na DVD yango te, salá lisolo ya mituna mpe biyano na motó ya likambo “Timote​—‘Mwana na solo kati na kondima’” na Linɔ́ngi ya Mosɛnzɛli ya 15 Sɛtɛmbɛ 1999, nkasa 29-31. Ekosalema na nkulutu moko mpe nkulutu yango akobongisa mituna oyo ebongi.

Loyembo 207 mpe libondeli ya nsuka.

Pɔsɔ ebandi na 23 Aprili

Loyembo 215

Min. 10: Mayebisi ya lisangá. Tángá lapolo ya kɔnti mpe mikanda ya botɔndi oyo biro etindaka soki ezwi makabo ya lisangá. Salelá makanisi oyo bapesi na lokasa 8 to makanisi mosusu ya kobanda lisolo oyo ebongi na teritware ya lisangá na bino mpo na komonisa ndenge ya kolakisa Linɔ́ngi ya Mosɛnzɛli ya 1 Mai mpe Lamuká! ya Mai.

Min. 10: Talá! Pole ezali malamu mingi! Lisukulu ekouta na Linɔ́ngi ya Mosɛnzɛli ya 15 Marsi 2007, nkasa 12-14.

Min. 25: “Okosala nini na bomoi na yo?”​—Eteni 2.e Bandá mbala moko kotuna motuna mokomoko oyo ezali na paragrafe 5-7. Soki bozali na DVD yango te, salá lisukulu mpe lisolo elongo na bayangani na motó ya likambo “Bilenge, bozali kokola na elimo?,” na Linɔ́ngi ya Mosɛnzɛli ya 15 Augusto 1987, nkasa 15-20 (na Lifalanse). Sukisá na elendiseli oyo ezali na paragrafe 8.

Loyembo 172 mpe libondeli ya nsuka.

Pɔsɔ ebandi na 30 Aprili

Loyembo 186

Min.  5: Mayebisi ya lisangá. Yebisá basakoli bápesa lapolo na bango ya mosala ya kosakola ya sanza ya Aprili.

Min. 10: Bamposa ya lisangá.

Min. 30: “Tólanda Klisto mpe tómonisa lokumu.”f Ekosalema na mokomeli ya lisangá. Yebisá esika oyo lisangá na bino ekokende na liyangani. Lobelá etanda “Makambo oyo tosengeli kobosana te mpo na liyangani ya etúká.”

Loyembo 44 mpe libondeli ya nsuka.

Pɔsɔ ebandi na 7 Mai

Loyembo 164

Min. 10: Mayebisi ya lisangá.

Min. 15: Bibongiseli mpo na bisika ya losambo. Lisukulu mpe lisolo elongo na bayangani ekouta na buku Tobongisami mpo na kosala mokano ya Yehova, mokapo 11.

Min. 20: “Soki okuti bato na ndako te.”g Ekosalema na mokɛngɛli na mosala ya kosakola.

Loyembo 178 mpe libondeli ya nsuka.

[Maloba na nse ya lokasa]