Manaka mpo na pɔsɔ ya 17 Mai
PƆSƆ EBANDI NA 17 MAI
□ Boyekoli ya Biblia na lisangá:
□ Eteyelo ya mosala ya Teokrasi:
Botángi ya Biblia: 2 Samwele 9-12
No. 1: 2 Samwele 10:1-12
No. 2: Mpo na nini Yesu azalaki kosalela Makomami ntango azalaki koteya? (Yoa. 7:16-18)
No. 3: Biblia elobi nini na likambo etali kosala bikeko mpo na losambo? (rs lok. 186 par. 3–lok. 187 par. 3)
□ Likita ya mosala:
Min. 5: Mayebisi.
Min. 10: Okoki kozala mobongisi-nzela mosungi na ntango ya konje? Lisukulu mpe lisolo elongo na bayangani. Lobelá na mokuse makambo ezali na buku Tobongisami, nkasa 112-113, mpe bendá likebi na masɛngami. Sɛngá na bandeko oyo basilá kosala mosala ya mobongisi-nzela mosungi na ntango ya konje na mosala to na kelasi bálobela mapamboli oyo bazwaki.
Min. 10: Ndenge ya kosakola nsango malamu—Litatoli ya libaku malamu. Lisolo elongo na bayangani ekouta na buku Tobongisami, lokasa 101, paragrafe 1, tii lokasa 102, paragrafe 2. Sɛngá na basakoli bálobela to básala elakiseli moko to bilakiseli mibale oyo ekomonisa ndenge oyo bapesaki litatoli na libaku malamu.
Min. 10: “Biso basakoli tosengeli kobondelaka.” Ekosalema na mituna mpe biyano.