Ndenge ya kolakisa bazulunalo

(Soki zulunalo ya Lingala ezali te bósalela ya Lifalanse)

Linɔ́ngi ya Mosɛnzɛli 1 Desɛmbɛ

“Ondimi ete mbala mingi moboti oyo abɔkɔlaka bana ye moko azalaka na mikakatano koleka baboti mosusu? [Tiká ye apesa eyano.] Biblia elendisi biso tótyela bato oyo bazali na mikakatano likebi. [Tángá Nzembo 41:1.] Lisolo oyo ebandi na lokasa 22 elimboli ndenge oyo tokoki kotyela moboti oyo abɔkɔlaka bana ye moko likebi.”

Lamuká! Desɛmbɛ

“Bato mingi bamitunaka: ‘Soki Nzambe azali, mpo na nini atiki Zabolo azala tii lelo?’ Osilá komituna motuna yango? [Tiká ye apesa eyano.] Lisolo oyo ezali na lokasa 10 mpe 11 epesi eyano oyo euti na Biblia. Eyebisi biso mpe ndenge oyo mokili ekozala ntango Zabolo akozala lisusu te.” Tángá Emoniseli 21:3, 4.

Linɔ́ngi ya Mosɛnzɛli 1 Yanuali

“Bato mingi bakanisaka ete elanga ya Edene ezali lisapo mpamba. Ekokamwisa yo soki oyebi ete Yesu alobelaki Adama na Eva lokola bato ya solo? [Tiká ye epesa eyano. Na nsima tángá Matai 19:4-6.] Zulunalo oyo epesi biyano na mituna oyo etunamaka mingi mpo na elanga ya Edene.”

Lamuká! Yanuali

Lakisá lokasa ya liboso, na nsima tuná: “Eyano nini okopesa na motuna oyo? [Tiká ye apesa eyano.] Makomami elendisaka bato bázala na kimya ná basusu. [Tángá Yakobo 3:17.] Soki ezali bongo, mpo na nini mangomba esangisi bato te? Mangomba ekoki kosalisa bato bázala na kimya? Zulunalo oyo epesi biyano na mituna wana.”