Ndenge ya kobanda lisolo

Mpo na kobanda koyekola na bato mokolo ya pɔsɔ ya liboso na sanza ya 4

“Tozali kolendisa bato ya kartye na biso bátángaka Biblia na bango. Kasi bato mingi bamonaka ete ezali mpasi kokanga ntina ya makambo oyo ezali na Biblia. Yo mpe omonaka bongo? [Tiká ye apesa eyano.] Talá ndenge balobi awa.” Lakisá ye ezipeli ya nsuka ya Linɔ́ngi ya Mosɛnzɛli ya 01/04/2013, mpe bótalela makambo oyo ezali na nse ya motuna ya liboso mpe bótánga ata vɛrsɛ moko oyo ezali wana. Pesá ye bazulunalo mpe bóyokana mpo ozongela ye mpo bótalela motuna oyo elandi.

Linɔ́ngi ya Mosɛnzɛli 01/04/2013

“Moto nyonso oyo tosololi na ye akutanaka na mikakatano. Yango etindaka bato mosusu bámituna soki bomoi ezali mpenza na ntina. Mpo na yo, likambo nini ya monene esalaka ete esengo ezala te lelo oyo? [Tiká ye apesa eyano.] Biblia elaki ete mosika te, Nzambe akolongola mikakatano oyo tozali kokutana na yango lelo. [Tángá Emoniseli 21:4.] Zulunalo oyo emonisi makambo oyo ekosalema na mikolo ezali koya mpe ndenge oyo tokoki kozala na bomoi ya esengo ata sikoyo.”

Lamuká! 04/2013

“Konyokola basi na ndako ezali likambo oyo epalangani na mokili mobimba. Bato mosusu balobaka ete mimeseno ya moto, esika akolá mpe masano ya mobulu nde etindaka bato básala bongo. Okanisi ete likambo nini ya libosoliboso etindaka bato bányokolaka basi na bango? [Tiká ye apesa eyano.] Biblia emonisi boyokani oyo esengeli kozala kati na mwasi ná mobali na ye. [Tángá Baefese 5:33.] Zulunalo oyo elobeli ndenge mabala mosusu ebongaki mpo babalani basalelaki batoli ya Biblia.”