Liteya 14

Baninga ya Nzambe baboyaka mabe

Satana amekaka bato mpo básala makambo ya mabe. Moto oyo alingi kozala moninga ya Nzambe asengeli koyina makambo oyo Yehova ayinaka. (Nzembo 97:10) Talá makambo mosusu oyo baninga ya Nzambe basengeli koboya:

Pite to ekobo. “Okosala ekobo te.” (Exode 20:14) Kosangisa nzoto liboso ya kobala ezali mabe.​—1 Bakolinti 6:18.

Milangwa. “Balangi na masanga . . . bakosangola Bokonzi na Nzambe te.”​—1 Bakolinti 6:10.

Koboma bato, kosopa zemi. “Okoboma te.”​—Exode 20:13.

Moyibi. “Okoyiba te.”​—Exode 20:15.

Lokuta. Yehova ayinaka ‘lolemu na lokuta.’​—Masese 6:17.

Mobulu mpe nkanda makasi. “[Yehova] ayini ye oyo alingi mobulu.” (Nzembo 11:5) “Misala na nzoto [esangisi mpe] . . . nkanda.”​—Bagalatia 5:19, 20.

Masano ya mbongo. “Bósangana na moto moko te . . soko ye azali . . . na bilulela.”​—1 Bakolinti 5:11.

Koyina bato ya loposo mosusu to ya ekólo mosusu. “Bólinga bayini na bino mpe bóbondela mpo na banyokoli na bino.”​—Matai 5:43, 44.

Makambo Nzambe ayebisaka biso ezali mpo na bolamu na biso. Ezalaka ntango nyonso likambo ya pɛtɛɛ te mpo na koboya kosala makambo ya mabe. Yehova mpe Batatoli na ye bakoki kosalisa yo oboya kosala makambo oyo esepelisaka Nzambe te.​—Yisaya 48:17; Bafilipi 4:13; Baebele 10:24, 25.