Watchtower MIKANDA OYO EZALI NA INTERNET
Watchtower
MIKANDA OYO EZALI NA INTERNET
Lingala
  • BIBLIA
  • MIKANDA
  • MAKITA
  • w12 1/10 nk. 4-5
  • Mpo na nini kanyaka ezali kosila te?

Video ezali awa te.

Esimbi te. Video oyo esali mwa mindɔndɔ.

  • Mpo na nini kanyaka ezali kosila te?
  • Linɔ́ngi ya Mosɛnzɛli eyebisaka Bokonzi ya Yehova—2012
  • Masolo mosusu
  • Kanyaka ekosila!
    Linɔ́ngi ya Mosɛnzɛli eyebisaka Bokonzi ya Yehova—2012
  • Mokili mozangi kanyaka elakami
    Linɔ́ngi ya Mosɛnzɛli eyebisaka Bokonzi ya Yehova—1995
  • Mpo na nini tonunaka mpe tokufaka?
    Boyebi oyo ezali komema na bomoi ya seko
  • Mpo na nini bato balingi kanyaka mingi?
    Linɔ́ngi ya Mosɛnzɛli eyebisaka Bokonzi ya Yehova—2000
Makambo mosusu
Linɔ́ngi ya Mosɛnzɛli eyebisaka Bokonzi ya Yehova—2012
w12 1/10 nk. 4-5

Mpo na nini kanyaka ezali kosila te?

“Moto ayangeli moto mpo na komonisa ye mpasi.”​—MOSAKOLI 8:9.

Moto moko ya mombongo oyo alingá kanyaka

MALOBA ya vɛrsɛ wana emonisi polele makambo oyo boyangeli ya bato ebimisi. Ebimiseli bato mpasi mpe bobola ya koloba te. Banda kala, ata bato oyo bazalaki na makanisi ya malamu mpe balingaki bosembo bazalaki ntango nyonso kokwea na motambo ya lokoso mpe ya kanyaka. Mpo na nini ezalaka bongo? Mpo na nini kanyaka ezali kosila te? Mingimingi mpo na makambo misato oyo elandi, oyo etindaka bato básala mabe.

1. Lisumu.

Biblia emonisi polele ete ‘biso nyonso tozali basumuki.’ (Baroma 3:9) Ndenge moko na maladi oyo bana bazwaka epai ya baboti, lisumu “efandi na kati” na biso. Na boumeli ya bankóto ya bambula, lisumu “eyangelaki” bato lokola mokonzi. “Mobeko” na yango ezali ntango nyonso kosala mosala na kati na biso. Nzoto ya masumu etindaka bato mingi bátya matomba na bango moko na esika ya liboso to bámonisa basusu mpasi kaka mpo bango bázwa biloko mingi to bokonzi.​—Baroma 5:21; 7:17, 20, 23, 25.

2. Mokili mabe oyo tofandi.

Mokili oyo etondi na bato ya lokoso mpe oyo balukaka kaka matomba na bango moko. Lokola ezali bongo, bato mosusu bamonaka ete ezali mpasi kokesana na basusu. Lokola balingaka kaka lokumu na bango moko, bazalaka na mposa makasi ya kozwa bokonzi. Bakómaka mpe na mposa makasi ya kozwa mbongo mingi mpe biloko mingi, koleka oyo basengeli na yango mpenza. Likambo ya mawa, bandimaka kosala ata likambo oyo ezali sembo te kaka mpo bákokisa mikano na bango. Na esika ya koboya kolanda makambo wana ya mabe, bato yango ‘balandaka nde ebele ya bato mpo na mikano ya mabe.’​—Kobima 23:2.

3. Satana Zabolo.

Satana, anzelu oyo atombokelaki Nzambe, azali “kokosa mabele mobimba esika bato bafandi.” (Emoniseli 12:9) Asepelaka ntango azali kotinda bato básala makambo ya mabe. Na mayele mabe, akoki kosalela mposa oyo moto nyonso azalaka na yango ya kozala na bomoi ya malamu mpe kozala na mbongo mingi mpo na kotinda moto asala makambo oyo ezali sembo te.

Kasi, yango elingi nde koloba ete Satana atambwisaka biso lokola bamasini? Tosengeli kaka kokwea ntango ameki biso? Tokozwa eyano na lisolo oyo elandi.

    Mikanda na Lingala (1984-2026)
    Bimá
    Kɔtá
    • Lingala
    • Kotindela moto
    • Makambo oyo olingi
    • Copyright © 2025 Watch Tower Bible and Tract Society of Pennsylvania
    • Ndenge ya kosalela
    • Kobomba makambo ya moto
    • Kobongisa makambo na yo
    • JW.ORG
    • Kɔtá
    Kotindela moto