Biyano na mituna na bino

◼ Nani asengeli kozwa makarɔ mpo na liyangani ya etúká?

Na liyangani, makarɔ ekoki kozala na ntina mingi mpo na kosalisa biso tóyeba bandeko na biso mpe mpo na kobenda likebi likoló na liyangani. Kasi makarɔ esengeli kopesama bipesela te. Makarɔ emonisaka ete moto oyo alati yango azali na etamboli malamu na kati ya lisangá moko ya Batatoli ya Yehova.

Makarɔ ezali na esika mpo na kokoma nkombo ya moto oyo alati yango mpe nkombo ya lisangá na ye. Na yango, moto yango asengeli kozala moto oyo asanganaka mpenza na lisangá yango. Biro ekobakisela lisangá mokomoko makarɔ. Lokola ezali bongo, ekozala malamu ete lisangá mokomoko epesa makarɔ epai ya mosakoli nyonso oyo azwa batisimo na basakoli oyo bazwi naino batisimo te. Ebongi mpe kopesa makarɔ epai ya bana mpe bato mosusu oyo bayanganaka pɔsɔ na pɔsɔ na makita ya lisangá mpe bazali kokola malamu mpo na kobanda kobima na mosala ya kosakola. Ekozala malamu te kopesa makarɔ epai ya moto oyo abimá na lisangá.

Ntango makarɔ yango ekoya, bankulutu basengeli kokeba ete bákabola yango na kotalela malako oyo.