Makambo oyo tosengeli kobosana te mpo na Ekaniseli

Na mbula oyo, Ekaniseli ekosalema mokolo ya misato 12 Aprili. Bankulutu basengeli kotalela malamumalamu makambo oyo elandi:

◼ Ntango bozali kobongisa ngonga oyo molulu yango ekobanda, bóbosana te ete limpa ná vinyo esengeli koleka te liboso moi elala.

◼ Bato nyonso, bakisa mpe ndeko oyo akosala lisukulu, basengeli koyeba malamu ngonga oyo molulu yango ekobanda mpe esika oyo yango ekosalema.

◼ Limpa mpe vinyo oyo ekosalelama esengeli kozala oyo ebongi mpe esengeli kobongisama liboso.​—Talá Linɔ́ngi ya Mosɛnzɛli ya 15 Febwali 2003 na nkasa 14-15.

◼ Basaani, bakɔpɔ, mesa ya malamu mpe elamba ya mesa, esengeli kobongisama malamu mpe kotyama libela na esika oyo Ekaniseli ekosalema.

◼ Ndako ya Bokonzi to esika mosusu oyo molulu yango ekosalema esengeli kopɛtolama malamu liboso.

◼ Bosengeli kopona liboso mpenza bandeko oyo bakoyamba bato mpe baoyo bakotambwisa limpa ná vinyo mpe koyebisa bango mokumba na bango mpe lolenge ya kokokisa yango malamu; bosengeli mpe koyebisa bango bálata malamu mpe bákata nsuki malamu.

◼ Bosengeli kozwa bibongiseli mpo na komema limpa ná vinyo epai ya ndeko nyonso mopakolami oyo azali na bokɔnɔ, mpe azali na makoki ya koyangana te.

◼ Soki masangá mingi ekosalela Ndako ya Bokonzi moko, basengeli koyokana malamu mpo na kosala ete bato bátondana te na porte, na balabala, mpe na bisika ya kotɛlɛmisa mituka.