Ndenge ya kolakisa bazulunalo

(Soki zulunalo ya Lingala ezali te bósalela ya Lifalanse)

Linɔ́ngi ya Mosɛnzɛli 15 Apr.

“Pene na bato nyonso bandimaka ete moko ya makambo oyo esalaka ete libota ezala na esengo ezali koyeba kosolola, nzokande bato mingi bayebaka kosolola te. Okanisi ezali mpo na nini? [Tiká ye apesa eyano.] Zulunalo oyo elobeli ndenge ya koyeba kosolola.” Tángá Yakobo 1:19.

Lamuká! Apr.

“Bato mingi balobaka ete ekulusu esalisaka bango bámiyoka penepene na Nzambe. Nzokande, bamosusu bamitunaka: Ezali mpenza malamu kosambela eloko oyo basalelaki mpo na koboma Yesu? Yesu akufaki mpenza na ekulusu? Lisolo oyo ebandi na lokasa 12 elobeli likanisi ya Biblia na mituna yango.” Tángá Misala 5:30.

Linɔ́ngi ya Mosɛnzɛli 1 Mai

“Na mokili mobimba, bamilio ya bato bazali konyokwama na bobola. Okanisi ete esengeli kosala nini mpo na kosalisa bango? [Tiká ye apesa eyano. Na nsima, tángá 1 Petelo 2:21.] Zulunalo oyo elimboli ndenge tokoki kolanda ndakisa ya Yesu na likambo etali komibanzabanza mpo na babola.”

Lamuká! Mai

“Omituna naino te ntina oyo tokómaka mibange? [Tiká ye apesa eyano.] Ndimbola ya Biblia na likambo ya kokóma mobange emonisi oyo Nzambe asali mpo tózala na bomoi libela na libela. [Tángá Yisaya 25:8.] Lamuká! oyo ezali kolobela makambo mosusu oyo bato bayekoli mikolo oyo mpo na ndenge bato bakómaka mibange.”