Ndenge ya kolakisa bazulunalo

(Soki zulunalo ya Lingala ezali te bósalela ya Lifalanse)

Linɔ́ngi ya Mosɛnzɛli 15 Mar.

“Mingi na biso tosilá kokufela moto. Oyebaka elaka oyo ya kokitisa motema? [Tángá Misala 24:15. Na nsima, tiká ye apesa eyano.] Nzokande, bato mingi bamitunaka soki banani bakosekwa? Ntango nini? Mpe epai wapi? Zulunalo oyo epesi biyano ya Biblia na mituna yango.”

Lamuká! Mar.

“Bato mingi bandimaka ete Yesu azali Nzambe. Nzokande, Petelo, moyekoli ya Yesu, alobaki ete Yesu azali mwana ya Nzambe. [Tángá Matai 16:16.] Okanisi ekoki kosalema ete Yesu azala ye moko Nzambe mpe ye moko Mwana ya Nzambe? [Tiká ye apesa eyano.] Lisolo oyo ezali na nkasa 12-13 elobeli motuna yango, mpe epesi likanisi ya Biblia na likambo yango.”

Linɔ́ngi ya Mosɛnzɛli 1 Apr.

“Maloba oyo bato mingi bayebi yango oyo emonisi ntina ya koluka koyeba Nzambe. [Tángá Matai 4:4.] Nzokande, bato mingi bakangaka mpenza te ntina ya Liloba ya Nzambe. Yo mpe omonaka bongo? [Tiká ye apesa eyano.] Zulunalo oyo epesi makanisi oyo ebongi mpenza, oyo ekoki kosalisa yo okanga ntina ya Biblia.”

Lamuká! Apr.

“Bato mingi babomaka nzoto mpo bázala na bomoi ya esengo, kasi mingi bazwaka yango te. Okanisi ete likambo moko kati na makambo oyo batángi awa ekoki kosalisa moto azala na bomoi ya esengo? [Lakisá etanda na lokasa 9. Na nsima, tángá vɛrsɛ moko kati na bavɛrsɛ oyo batye maloba na yango wana te.] Lamuká! oyo elobeli sɛkɛlɛ oyo Biblia epesi mpo na kozala na bomoi ya esengo.”