Ndenge ya kolakisa bazulunalo

(Soki zulunalo ya Lingala ezali te bósalela ya Lifalanse)

Linɔ́ngi ya Mosɛnzɛli 15 Yuni

“Okanisi ete tokoki kozala na esengo atako tozali na mikakatano? [Tiká ye apesa eyano.] Zulunalo oyo ezali komonisa biso eloko oyo ekoki kosalisa biso tóyeba ndenge ya kosilisa mikakatano ya bomoi. Elobeli mpe ndenge oyo elikya epesaka moto makasi ya koyika mpiko.” Tángá Emoniseli 21:3, 4.

Lamuká! Yuni

“Makama oyo esalemi mikolo oyo emonisi mpenza ntina ya koyoka makebisi, ezali bongo te? [Tiká ye apesa eyano.] Lisolo oyo elobeli bato oyo babikaki na mopɛpɛ makasi babengi Katrina, mpe liteya oyo bazwaki na likama yango. Ezali mpe kolobela likebisi oyo biso nyonso tosengeli kotosa lelo oyo.” Lakisá lisolo oyo ebandi na lokasa 14.

Linɔ́ngi ya Mosɛnzɛli 1 Yuli

“Lelo oyo, lokola mokili etondi na mobulu, bato mingi bazali komituna boye: ‘Mpo na nini bomoi etondi na mikakatano? Soki Nzambe azali, mpo na nini asalaka eloko moko te mpo na kosilisa bampasi?’ Omituna naino te mituna wana? [Tiká ye apesa eyano.] Zulunalo oyo ezali na biyano ya polele oyo Biblia epesi na mituna yango.” Tángá 2 Timote 3:16.

Lamuká! Yuli

“Lelo oyo, mabala mingi ekómi na mikakatano. Okanisi ete libala ekozala malamu soki mwasi ná mobali basaleli toli oyo ya Biblia? [Tángá Baefese 4:32. Na nsima, tiká ye apesa eyano.] Lamuká! oyo elobeli mitinda ya Biblia oyo esilaka ngala te, oyo ekoki kosalisa biso tózala na libala ya esengo.”