Ndenge ya kolakisa bazulunalo

(Soki zulunalo ya Lingala ezali te bósalela ya Lifalanse)

Linɔ́ngi ya Mosɛnzɛli 1 Mai

“Mokili elingaki kozala ndenge nini soki moto nyonso atosaki maloba oyo ya Yesu? [Tángá Matai 7:12. Na nsima, tiká ye apesa eyano.] Lisolo oyo elobeli mateya mosusu ya Yesu mpo na komonisa soki kozala mokristo elimboli mpenza nini.” Lakisá lisolo oyo ebandi na lokasa 16.

Lamuká! Mai

“Okanisi ete etikali moke makambo ya nkita ya mokili oyo ebonga? [Tiká ye apesa eyano.] Bato mingi bayebi te ete Biblia ekoki kosalisa biso na ntango ya mpasi lokola oyo. [Tángá vɛrsɛ moko oyo ezali na kati ya lisolo yango.] Lisolo oyo emonisi ndenge oyo batoli ya Biblia ekoki kosalisa biso na ntango oyo makambo ya nkita ezali kotambola malamu te.” Lakisá lisolo oyo ebandi na lokasa 18.

Linɔ́ngi ya Mosɛnzɛli 1 Yuni

“Lelo oyo, mangomba mingi elobelaka lisusu lisumu te ndenge ezalaki kolobela yango kala. Okanisi ete lisumu ezali likambo oyo esilá ngala, to ezali likambo oyo tosengeli kotyela yango likebi? [Tiká ye apesa eyano. Na nsima, tángá Baroma 5:12.] Zulunalo oyo emonisi oyo Biblia elobi mpo na lisumu.”

Lamuká! Yuni

“Emonani ete mitungisi ezali se kobakisama na bomoi ya bato. Ondimi likambo yango? [Tiká ye apesa eyano.] Bato mingi bandimi ete maloba oyo emonisi ntina moko oyo mitungisi ezali mingi. [Tángá 2 Timote 3:1.] Zulunalo oyo elobeli mabe oyo mitungisi ekoki kosala biso. Epesi mpe mwa batoli oyo ekoki kosalisa biso tóyeba ndenge oyo tokoki kosala mpo tólonga mitungisi.”